فڕۆکەیێن تورکیا پانزینخانەیا ئامێدییێ بۆمبەباران کر

فڕۆکەیێن تورکیا پانزینخانەیا ئامێدییێ بۆمبەباران کر

WAAR-دهۆك:

فرۆکەیێن شەڕکەر یێن تورکیا پانزینخانەیا ئامێدییێ ل نێزیک لقا هه‌ژده‌ یا پارتی بۆمبەباران کر، ژ ئەگەرا وێ بۆڕیا سەرەکی یا ئاڤا ئامێدیێ پەقی، ل گوندێ سەرگەلێ ژی دو تومبێلێن پەکەکێ سۆتن.
کارگێرێ لقێ ھەژدە یێ پارتی، مووسا کێستەیی بۆ وار راگەھاند؛ ئەڤرۆ ئێڤارى فرۆکەیێن شەڕکەر یێن تورکیا پانزینخانەیا ئامێدییێ بۆمبەباران کر و زیان گەھاندنێ، لێ زیانێن گیانی نەبوون و دوپات کر؛ ھەر ژ ئەگەرا وێ ھێرشێ بۆڕییا سەرەکی یا ئاڤا ئامێدییێ پەقی و جاددە ژی ھاتنە داخستن.
ژ ئالییەکێ دی ناڤھاتی گۆت؛ ئەڤرۆ سپێدێ ژی فڕۆکەیان تومبێلەکا گەریلایێن پارتییا کارکەرێن کوردستانێ، پەکەکێ کرییە ئارمانج و بوویە ئەگەر کو ئاگر بەر بیتە رووبەرەکێ مه‌زن یێ ئاقارێ گوندێ گوھەرزێ.
پەیامنێرێ وار راگەھاند؛ ل گوندێ سەرگەلێ یێ سەر ب دەڤەردارییا ئامێدیێ ڤە ژ ئەگەرا ھێرشەکا فڕۆکەیێن تورکیا دو تومبێلێن دی ھاتینە سۆتن.
دەڤەرداێ ئامێدیێ، ئسماعیل مستەفاى ژى بۆ وار راگەھاند؛ تیمێن وان بۆ دروستکرنا بۆڕیا ئاڤێ د کاری دانە.

بابه‌تێن ب ڤێ مژارێ ڤه‌ گرێدای