فه‌یسبۆكێ ل ئه‌ڤ ساله‌ 3.2 ملیار ئه‌كاونتێن سه‌خته‌ هه‌لوه‌شاندینه‌

فه‌یسبۆكێ ل ئه‌ڤ ساله‌ 3.2 ملیار ئه‌كاونتێن سه‌خته‌ هه‌لوه‌شاندینه‌

WAAR-دهۆك:

كۆمپانیا تۆرا جڤاكیا فه‌یسبۆكێ ئه‌ڤرۆ راگه‌هاند، وێ د ناڤبه‌را نیسانا ئه‌ڤ ساله‌ تا ئیلۆنێ سێ ملیار و دوسه‌د ملیۆن ئه‌كاونتێن سه‌خته‌ هه‌لوه‌شاندینه‌.
فه‌یسبۆكێ ئه‌ڤرۆ راپۆرتا خوه‌ یا نوو ل دۆر ژێبرنا ناڤه‌رۆكێن زیاندار ل سه‌ر وێ تۆرێ به‌لاڤ كر و راگه‌هاند، د ناڤبه‌را نیسانا ئه‌ڤ ساله‌ تا ئیلۆنێ وێ سێ ملیار و دوسه‌د ملیۆن ئه‌كاونتێن سه‌خته‌ هه‌لوه‌شاندینه، د ده‌مه‌كی دا هندی وی ده‌می ل پار سال بتنێ ملیاره‌ك و پێنجسه‌د ملیۆن ئه‌كاونتێن ب وی ره‌نگی ژناڤبربوون، ئه‌و یه‌ك ژی زێده‌بوونا ئه‌كاونتێن سه‌خته‌ دیار دكه‌ت.
هه‌روه‌ها فه‌یسبۆكێ دیار كر د شه‌شه‌ مه‌هان دا وێ پتری یازده‌ ملیۆن په‌یڤێن به‌لاڤكرنا نه‌ڤیانێ ل سه‌ر فه‌یسبۆكێ و ئینستگرامێ ژی ژێبرینه‌.
هه‌روه‌ها دیاركر كو وێ رێكارێن باشتر بجهئیناینه‌ بۆ كۆنترۆلكرنا ماده‌یێن بێپه‌رده‌یێ و بازرگانیكرنا ب مرۆڤان ل سه‌ر ئینستگرامی و شه‌ش مه‌هان دا پتری ملیۆن وێنه‌یێن ب وی ره‌نگی ژێبرینه‌ و چار ملیۆن بابه‌تێن بانگه‌شه‌كرنێ بۆ خوه‌كوشتنێ و خوه‌ئێشاندنێ نه‌هێلاینه‌.

بابه‌تێن ب ڤێ مژارێ ڤه‌ گرێدای