فره‌نسا.. راهێنان و به‌رهه‌ڤی بۆ برێگزتێ دهێنه‌ كرن

فره‌نسا.. راهێنان و به‌رهه‌ڤی بۆ برێگزتێ دهێنه‌ كرن

WAAR-دهۆك:

ده‌ستهه‌لاتا گۆمركان ل فره‌نسا ئه‌ڤرۆ مه‌شق و راهێنانێن تایبه‌ت وه‌ك به‌رهه‌ڤی بۆ ده‌ركه‌فتنا بریتانیا ژ ئێكه‌تییا ئه‌ورۆپا كرن.
ده‌ستهه‌لاتا گۆمركان ل فره‌نسا ل گۆمرك و سنۆرێن ل گه‌ل بریتانیا چه‌ندین راهێنان كرن وه‌ك به‌رهه‌ڤی گه‌ر هاتو بریتانیا بێ رێككه‌فتن ژ ئێكه‌تییا ئه‌ورۆپا ده‌ركه‌فت، حكوومه‌تا فره‌نسا ژی دیار كر د حه‌فتیێن بهێت دا دێ چه‌ندین تێست و راهێنانێن دی هێنه‌ كرن.
فره‌نسا شه‌ش سه‌د ئه‌فسه‌رێن نوو یێن گۆمركان مه‌شق داینه‌ بۆ پشكنین و رێڤه‌برنا كارێن وان كه‌س و بارهه‌لگرێن ژ بریتانیا دگه‌هنه‌ وی وه‌لاتی ب تایبه‌ت كه‌نالێ ئنگلیزی كو ل سالا 1994 ب فه‌رمی هاتبوو ڤه‌كرن.
كۆمپانیا یۆرۆتونێل وان مه‌شقان برێڤه‌ دبه‌ت و تا نها شازده‌ ملیۆن دۆلار د وان به‌رهه‌ڤیان دا مه‌زاختینه‌.
ژڤانه‌ بریتانیا ل سیهو ئێكێ مه‌ها بهێت ژ ئێكه‌تییا ئه‌ورۆپا ده‌ركه‌ڤیت و تا نها چ رێككه‌فتن ل گه‌ل ئه‌ورۆپا نه‌كرینه‌ لێ سه‌رۆكێ جڤاتا ئه‌ورۆپا ئه‌ڤرۆ ل گه‌ل سه‌رۆكوه‌زیرێ بریتانیا كۆمبوو و گه‌شبینی ده‌ربری.

بابه‌تێن ب ڤێ مژارێ ڤه‌ گرێدای