فالح فه‌یاز: داخویانیێن ئه‌بۆمه‌هدی موهه‌ندسی ده‌ربڕینێ ژ حه‌شدا شه‌عبی ناكه‌ن

فالح فه‌یاز: داخویانیێن ئه‌بۆمه‌هدی موهه‌ندسی ده‌ربڕینێ ژ حه‌شدا شه‌عبی ناكه‌ن

WAAR-دهوك:

سه‌رۆكێ ده‌سته‌یا حه‌شدا شه‌عبی ئه‌ڤرۆ د به‌یانه‌كێ دا راگه‌هاند؛ داخویانیێن ئه‌بۆمه‌هدی موهه‌ندسی ل دۆر بۆمبه‌بارانكرنا كۆگه‌هێن وان ده‌ربڕینێ ژ حه‌شدا شه‌عبی ناكه‌ن.
فالح فه‌یاز، سه‌رۆكێ ده‌سته‌یا حه‌شدا شه‌عبی، ئه‌ڤرۆ د به‌یانه‌كێ دا راگه‌هاند؛ راگه‌هاندنا حه‌شدا شه‌عبی ل دۆر سۆتنا كۆگه‌هێن وان یێن چه‌كی كو ئیمزایا ئه‌بۆمه‌هدی موهه‌ندس، جێگرێ وی ل سه‌ره‌ و ئه‌مریكا ب وێ هێرشێ سووچبار كرییه‌، ده‌ربڕینێ ژ حه‌شدا شه‌عبی و حكومه‌تێ ناكه‌ت.
دوپات ژی كر؛ دیتنێن فه‌رمی یێن حه‌شدا شه‌عبی، فه‌رماندارییا گشتی یا هێزێن چه‌كدار یێن ئیراقێ دیار دکه‌ن و هه‌ركه‌سه‌كێ ب خویاکرنا بۆچوونێن فه‌رمی یێن حكومه‌تێ و هێزێن چه‌كدار هاتییه‌ راسپاردن.
ئه‌بۆمه‌هدی موهه‌ندس، جێگرێ سه‌رۆكێ ده‌سته‌یا حه‌شدا شه‌عبی دوهی د به‌یانه‌كێ دا راگه‌هاندبوو؛ ئه‌مریكا گرۆپێن تۆندڕه‌و ئیناینه‌ ناڤا ئیراقێ و ب هه‌موو رێیان سه‌روه‌رییا ئیراقێ بنپێ دكه‌ت و ب هێرشكرنا ل سه‌ر كۆگه‌هێن حه‌شدا شه‌عبی سووچبار كربوو‌.

بابه‌تێن ب ڤێ مژارێ ڤه‌ گرێدای