غەززە.. 122 خوەنیشاندەر برینداربوون

غەززە.. 122 خوەنیشاندەر برینداربوون

WAAR-دهۆك:

122 خوەنیشاندەرێن فەلەستینی د خوەنیشاندان و رێپیڤانێن حەفتییانە دا ل رۆژھەلاتێ غەززە برینداربوون، پشتی سوپایێ ئسرائیلێ بزاڤێن بەلاڤکرن و دوورکرنا وان کرین.
وەزارەتا ساخلەمییا فەلەستینێ د بەیانەکێ دا ئاشکرا کر: دوھی ل سنۆرێ ئەمنی یێ د ناڤبەرا رۆژھەلاتێ غەززە و ئسرائیلێ دا د بەردەوامییا خوەنیشاندان و رێپیڤانێن مەزن یێن حەفتییانە دا، 122 خوەنیشاندەر برینداربوون.
ئاشکرا ژی کر: 50 ژ وان برینداران ب گوللەیێن راستەراستێن سەربازێن ئسرائیلی برینداربوون و 3 ژ برینداران ژی کارمەندێن ساخلەمییێ نە.
دوھی د بەردەوامییا خوەنیشاندان و رێپیڤانێن حەفتیانە یێن فەلەستینان ل ئادارا ئەڤ سالە بۆ ڤەگەریانا جھێن خوە دەستپێکرین، ب ھزاران کەس ل رۆژھەلاتێ غەززە چوونە سەر سنۆرێن ئسرائیلێ، رووبرووبوون د ناڤبەرا وان و سەربازێن ئسرائیلی دا روودان، پشتی سەربازان بزاڤێن بەلاڤکرن و دوورکرنا وان کرین.

بابه‌تێن ب ڤێ مژارێ ڤه‌ گرێدای