عەفرین.. شەرڤانان 16 چەکدار کوشتن

عەفرین.. شەرڤانان 16 چەکدار کوشتن

WAAR-دهۆك:

شەرڤانێن غەزەبا زەیتوونان کوشتنا 16 چەکدار و پۆلیسێن ئۆپۆزسیۆنێ و بریندارکرنا نۆزدەیان، ل عەفرینێ راگەھاند.
ژۆرا غەزەبا زەیتوونان د بەیانەکێ دا راگەھاند: شەرڤانێن وان دوھی ل ناڤەندا کانتۆنا عەفرینێ یا رۆژئاڤایێ کوردستانێ یا داگیرکری ژ ئالییێ سوپایێ تورکیا و چەکدارێن ئۆپۆزسیۆنا سووری یێن سەر ب وێ ڤە، چالاکییەک ل دژی پۆلیسێن لەشکەری و چەکدارێن گرۆپا بەرەیا شامی ل ناڤەندەکا مەشقا سەربازی، کر و زیانێن مەزن گەھاندنێ.
شەرڤانێن غەزەبا زەیتوونان دیار ژی کر: ئەوان د وێ چالاکییێ دا کوشتنا 16 چەکدار و پۆلیسێن لەشکەری و بریندارکرنا 19 چەکدار و پۆلیسێن دی پشتراست کر.
شەرڤانێن غەزەبا زەیتوونان د بەیانا خوە دا داخواز ژی ژ سڤیلێن عەفرینێ، ژ بەر چالاکی و ھێرشێن وان ل دژی سوپایێ تورکیا و چەکدارێن ئۆپۆزسیۆنا سوورییێ یێن سەر ب تورکیا ڤە، خوە ژ ناڤەند و سەربازگەھێن تورکیا و ئۆپۆزسیۆنێ دوور بێخن.

بابه‌تێن ب ڤێ مژارێ ڤه‌ گرێدای