عه‌لاوی هۆشداری دانه‌ سه‌رۆكوه‌زیرێ ئیراقێ

عه‌لاوی هۆشداری دانه‌ سه‌رۆكوه‌زیرێ ئیراقێ

WAAR-دهۆك:

سه‌رۆكێ ره‌وتا مینبه‌را ئیراقی و سه‌رۆك وه‌زیرێن به‌رێ ئه‌یاد عه‌لاوی، هۆشداریێ ژ هنده‌ك كه‌سێن نێزیك، دانه‌ عادل عه‌بدولمه‌هدی.
ئه‌یاد عه‌لاوی د هه‌ڤدیتنه‌كا تێله‌فزیوونی دا هۆشدار دانه‌ سه‌رۆك وه‌زیرێن ئیراقێ ژ هنده‌ك كه‌سێن د ئۆفیسا وی ڤه‌ و گۆت: ولات د قه‌یرانه‌كا گه‌له‌ك ب ترس دا ده‌رباز دبیت و هنده‌ك كه‌س د ئۆفیسا عه‌بدولمه‌هدی دا هه‌نه‌ ره‌وشێ ئالۆزتر لێ دكه‌ن.
عه‌لاوی ئاشكرا كر كو وی ب رێیا تێله‌فوونێ دگه‌ل سه‌رۆكێ وه‌زیران ئاخفتییه‌ و ئه‌ڤ ترسا خوه‌ ژ كه‌سێن د ئۆفیسا عه‌بدولمه‌هدی كار دكه‌ن ب زه‌لالی گه‌هاندیه‌.
ل دۆر ره‌وشا نها و خوه‌نیشاندانان، ئه‌یاد عه‌لاوی دیاركر كو گه‌له‌ك ب زه‌حمه‌ته‌ بهێته‌ پێشبینی كرن كانێ قۆناغا بهێت دێ چ بیت و چ ره‌وشه‌ك دێ هێته‌ پێش.
سه‌رۆكێ ره‌وتا مینبه‌را ئیراقی ل دۆر بزاڤێن سه‌رۆك كۆمارێ ئیراقێ یێن چاره‌سه‌ر كرنا ره‌وشێ ژی بۆچوونا خوه‌ دیاركرییه‌ و دبێژیت: د. به‌رهه‌م سالح چ ده‌ستهلاته‌كا جێبه‌جێكار نیه‌.
ئه‌یاد عه‌لاوی به‌حسا ئه‌گه‌رێن گرێدانا دیالۆگه‌كا نشتیمانی كر، ب دوور ژی ئه‌و یه‌ك بهێته‌ كرن و گۆت: مه‌حاله‌ د زه‌مانێ میلیشیایان دا به‌حسا لهه‌ڤهاتنا نیشتیمانی بهێته‌ كرن.

بابه‌تێن ب ڤێ مژارێ ڤه‌ گرێدای