عه‌بدولمه‌هدی كێشه‌یا كاره‌بێ د گه‌ل كۆمپانیێن سیمنز و جه‌نه‌رال ئه‌له‌كتریك دا گۆتوبێژ كر

عه‌بدولمه‌هدی كێشه‌یا كاره‌بێ د گه‌ل كۆمپانیێن سیمنز و جه‌نه‌رال ئه‌له‌كتریك دا گۆتوبێژ كر

WAAR-دهۆك:

سه‌رۆكوه‌زیرێن ئیراقێ ئه‌ڤرۆ گۆتوبێژا نه‌خشه‌رێیا پرۆژه‌یێ كاره‌با ئیراقێ د گه‌ل كۆمپانیێن سیمنز یا ئه‌لمانی و جینیرال ئه‌لكتریك یا ئه‌مریكی دا كر.
نڤیسینگه‌ها سه‌رۆكوه‌زیرێن ئیراقێ د به‌یانه‌كێ دا راگه‌هاند؛ عادل عه‌بدولمه‌هدی ئه‌ڤرۆ د گه‌ل جۆ كایزر، سه‌رۆكێ كۆمپانییا سیمنز یا ئه‌لمانی دا كۆم بوو و گۆتوبێژا پرۆژه‌یێ نه‌خشه‌رێیا كاره‌با ئیراقێ كر كو ل به‌رلینێ ل سه‌ر رێككه‌فتبوون. دوپات ژی كر؛ هه‌بوونا خشته‌یه‌كێ ده‌می بۆ پێگیریكرن ببجهئینانا وێ نه‌خشه‌ڕێیێ د ده‌مێ دیاركری دا گرنگه‌.
عه‌بدولمه‌هدی پاشان د گه‌ل جۆزیف ئه‌نیس، سه‌رۆكێ كۆمپانییا جه‌نه‌رال ئه‌لكتریك یا ئه‌مریكی دا ل سه‌ر دیتنا رێیێن تایبه‌ت ژ بۆ گه‌ره‌نتیكرنا كاره‌با ئیراقێ كۆم بوو.
عه‌بدولمه‌هدی دیار كر؛ ل ئیراقێ جهێ ده‌لیڤه‌یێن وه‌به‌رهێنانێ ل هه‌مبه‌ر كۆمپانیێن مه‌زن ژ بۆ خزمه‌تكرنا گه‌لێ ئیراقێ د هه‌موو واران دا هه‌یه‌.

بابه‌تێن ب ڤێ مژارێ ڤه‌ گرێدای