شه‌رڤانێن هه‌سه‌دێ باژارێ سه‌رێ كانیێ ڤالاكرییه‌

شه‌رڤانێن هه‌سه‌دێ باژارێ سه‌رێ كانیێ ڤالاكرییه‌

WAAR-دهۆك:

هێزێن سووریایا دیمۆكراتیك ته‌ڤ هیزێن خوه‌ ژ باژارێ سه‌رێ كانیێ ڤه‌كێشان، وه‌كه‌ پابه‌ندبوونێ ب رێككه‌فتنا ئاگربه‌ستێ یا هه‌ڤده‌ی ڤێ مه‌هێ.
ل دووڤ رێككه‌فتنا ئه‌نقه‌ره‌ یا ئاگربه‌ستێ كو ل هه‌ڤده‌ی ڤێ مه‌هێ ل ناڤبه‌را ئه‌مریكا و توركیا هاتییه‌ ئیمزا كر، د بیست و چار ساتێن بۆری دا، هه‌سه‌دێ هه‌موو شه‌رڤانێن خوه‌ ژ باژارێ سه‌رێ كانیێ ڤه‌كێشان.
ل دووڤ ئاگەھیێن پەیامنێرێ وار ل رۆژئاڤایێ کوردستانێ، هه‌سه‌دێ سه‌رێ كانیێ ڤالا كریه‌ و به‌ر ب باژارێ حه‌سه‌كێ ڤه‌ چووینه‌.
‌د ڤێ ده‌ربارێ دا، كینۆ گابریێل په‌یڤدارێ هه‌سه‌دێ دوپات كرییه‌، هه‌سه‌دێ نها چ شه‌رڤانه‌ك د ناڤ سه‌رێ كانیێ دا نینه‌.
ئاژانسا سانا یا فەرمی سووریێ ژی دیاركرییه‌، سوپایێ تورکیا و چەکدارێن سەر ب وێڤە نها د ناڤا سەرێ کانیێ دا نه‌.
ڤەکێشانا شەرڤانێن ھەسەدێ، د چوارچووڤێ رێککەفتنا ئەمریکا و تورکیا دا دھێت، ل گۆرەیی وێ پێدڤییە ھەسەدە ھێزێن خوە ب کووراتییا سیھـ و دو کیلۆمەتران ل دەڤەرێن سنۆری یێن د ناڤبەرا سووریا و تورکیا دا ڤەکێشیت.

بابه‌تێن ب ڤێ مژارێ ڤه‌ گرێدای