شرنەخ.. 4 سەربازێن تورکیا ھاتن کوشتن

شرنەخ.. 4 سەربازێن تورکیا ھاتن کوشتن

WAAR-دهوك:

پەکەکێ ل دو گوندێن سەر ب سلۆپییا باکۆرێ کوردستانێ ڤە، چار سەربازێن سوپایێ تورکیا کوشتن.
نائل کادرھان، پەیامنێرێ وار ل باکۆرێ کوردستانێ دیار کر؛ گەریلایێن پارتییا کارکەرێن کوردستانێ، پەکەکێ د بەرسڤا ئۆپەراسیۆنێن سوپایێ تورکیا دا ل پارێزگەھا شرنەخێ یا باکۆرێ کوردستانێ، ھێرشەک ل گوندێ حەسەنا یێ سەر ب ناوچەدارییا سلۆپی ڤە ل سەر سوپایێ تورکیا کر و سێ سەرباز کوشتن، ئێک ژی بریندار کر.
ژ ئالییەکێ دی ڤە پارێزگەھا شرنەخێ ژی د راگەھاندنەکێ دا خویاکرن کو د شەر و پەڤچوونێن سوپایێ وان و گەریلایێن پەکەکێ دا ل گوندەوارێن سەر ب ناوچەدارییا سلۆپی ڤە، سەربازەک ھات کوشتن و سێ بریندار بوون.

بابه‌تێن ب ڤێ مژارێ ڤه‌ گرێدای