شاناھان: ئەمریکا نیازێن شەرێ د گەل ئیرانێ نینن

شاناھان: ئەمریکا نیازێن شەرێ د گەل ئیرانێ نینن

WAAR-دهۆك:

وەزیرێ بەرگریا ئەمریکا ب وەکالەت راگەھاند؛ واشنتۆنێ رێگری ل ھێرشێن ئیرانێ ل سەر ھێزێن ئەمریکی ل کەنداڤی کر و دوپات کر وان نه‌ڤێت شەرى د گەل ئیرانی بكه‌ن.
پاتریک شاناھان وەزیرێ بەرگریا ئەمریکا ب وەکالەت و مایک پۆمپێیۆ، وەزیرێ دەرڤە یێ ئەمریکا شڤێدی ل کۆنگرێسێ ئەمریکا نھێنیێن ئالۆزیا ره‌وشا دناڤبه‌را ئەمریکا و ئیرانێ دا ل کەنداڤی بۆ ئەندامێن جڤاتا پیران ئاشکراکرن و پشتی کۆمبوونێ شاناھانی بۆ رۆژنامەڤانان گۆت: ئەو شیان ب رێیا دوبارە بەلاڤکرنا ھێزێن خوە ل کەنداڤی، رێگریێ ل ھرشێن ئیرانێ بکەن .
ھەروەھا گۆت: وان چ نیازێن دەستپێکرنا شەری د گەل ئیرانی نینن، لێ تنێ بابەت پاراستنا بەرژەوەندیا نە.
بەرپرسێن ئیدارا ترامپی دێ ھەمان بابەت بۆ ئەندامێن جڤاتا نوونەران ژی پێشکیش کەن، لێ تا نھا چ ژڤان بۆ وێ كۆمبوونێ نەھاتینە دانان.

بابه‌تێن ب ڤێ مژارێ ڤه‌ گرێدای