سەرۆک بارزانی پەیامەک ل دۆر رۆژئاڤایێ کوردستانێ گەهاندە رۆسیا

سەرۆک بارزانی پەیامەک ل دۆر رۆژئاڤایێ کوردستانێ گەهاندە رۆسیا

WAAR-دهۆك:

هێمن هەورامی سەرەدانا کۆنسولخانەیا رۆسیا یا هەرێمێ کر و پەیامەکا سەرۆک بارزانی ل دۆر رەوشا رۆژئاڤایێ کوردستانێ گەهاند.
هێمن هەورامی، راوێژکارێ سیاسی یێ سەرۆک مەسعوود بارزانی و هەڤدەم جێگرێ سەرۆکا پەرلەمانێ کوردستانێ ب رێیا تۆرا جڤاکی یا فێیسبووکێ راگەهاند، کو ئەڤرۆ د سەرەدانەکا کۆنسولخانەیا رۆسیا یا هەرێما کوردستانێ ل هەولێرێ دا پەیامەکا سەرۆک مەسعوود بارزانی بۆ رۆسیا دەربارەی رەوشا رۆژئاڤایێ کوردستانێ و راگەهاندنا دەڤەرا ئارام گەهاندییە.
پەیاما سەرۆک بارزانی بۆ رۆسیا د دەمەکی دا یە، کو بریارە سوبە هەڤدەمی بدوماهیهاتنا ئاگربەستا رۆژئاڤایێ کوردستانێ، ڤلادیمیر پوتین، سەرۆکێ رۆسیا و رەجەب تەییب ئەردۆگان، سەرۆککۆمارێ تورکیا ل سۆچی دەربارەی رێککەفتنا دەڤەرا ئارام کۆم ببن.

بابه‌تێن ب ڤێ مژارێ ڤه‌ گرێدای