سەرۆکێ کامیرۆنێ دیالۆگا نشتیمانی دگەل گرۆپێن جوداخواز راگەھاند

سەرۆکێ کامیرۆنێ دیالۆگا نشتیمانی دگەل گرۆپێن جوداخواز راگەھاند

WAAR-دهۆك:

سەرۆکێ کامیرۆنێ دێ ل داویاڤێ مەھێ دیالۆگەکا نشتیمانێ د گەل گرۆپێن جوداخواز رێکیخیت بۆ چارەکرنا کریزێن وی وەلاتی.
پۆل بیا د گۆتارەکێ دا داخواز ژ گرۆپێن جوداخواز ل دەڤەرێن ب زمانێ ئنگلیزی د ئاخڤن کر، خوە رادەست بکەن و پشکداری وێ دیالۆگا نشتیمانی ببن ژ بۆ چارەکرنا کریزان.
ھەروەھا ھوشداری ژی دان گەر ئەو گرۆپە رازی نەبن، بەرسڤا وان دێ ب ھێرشێن سەربازی بیت.
ئێکەم جار ل سالا 2016ێ د گەل خوەنیشاندانێن ماموستا و پارێزەران دژی پرانیا دەستھەلاتدار یا ب زمانێ فرەنسی د ئاخڤیت نه‌رازیبوونان ل كامیرۆنێ دەستپێکرن و حکومەتێ ب چەک بەرسڤا وان دا و ئەو بوویەرە بوونە ئەگەر ل سالا 2017ێ گرۆپێن چەکدار یێن جوداخواز ژ دایک ببن و داخوازا وەلاتەکێ سەربخوە بۆ کەمینەیێن زمانێ وان ئنگلیزی بکەن.
ل گورەی نەتەوەیێن ئێکگرتی، ژ دەستپێکا کریزا كامیرۆنێ تا نھا، زێدەتر ژ 2000  کەسان ھاتینە کوشتن و نێزیکی 500 ھزار کەسان ئاوارە بووینە و زێدەتر ژ 50 ھزار کەسان ژی رەڤینە نایجیریا.

بابه‌تێن ب ڤێ مژارێ ڤه‌ گرێدای