سەرۆکێ نوو یێ ئوکراینا سۆزا ڤەگەراندنا گراڤا کریمیا دا

سەرۆکێ نوو یێ ئوکراینا سۆزا ڤەگەراندنا گراڤا کریمیا دا

WAAR-دهۆك:

سەرۆکێ نووھەلبژارتی یێ ئوکراینا سۆز دا گراڤا کریمیا ژ دەست رۆسیا دەربێخیت و ڤەبگەرینیت ژێر سەروەرییا ئوکراینا.
ڤلادیمێر زیلنسکی، سەرۆکێ نووھەلبژارتی یێ ئوکراینا د سالڤەگەرا حەفتێ و سێیێ یا راگۆھاستنا تەرەرێن گراڤا کریمیا دا، سۆز دا وێ گراڤێ ژ دەست رۆسیا دەربێخیت و ڤەبگەرینیت ژێر سەروەرییا ئوکراینا و راگەھاند: چەند دەم ژی ب سەرڤە بچیت، دێ د ڤەگەراندنا گراڤا کریمیا دا ب ھەڤکارییا تەتەرێن وێ، سەرکەڤن، ژ بەر کو تاریترین شەڤان، رۆژھەلات د دووڤ را نە.
زیلنسکی گۆت ژی: تەتەرێن کریمیا ھێشتا قوربانی نە و بیرھاتنا راگۆھاستنا وان ل بیر دئینیت کو جینۆسایدا مرۆڤان مومکنە، لێ جینۆسایدا رۆحا گەلان مەحالە.
رۆسیا ل ئادارا ٢٠١٤ێ، پشتی کۆنترۆلکرنا گراڤا کریمیا و ئەنجامدانا راپرسییەکێ، ئەو گراڤە تەڤلی سنۆرێن دەولەتا رۆسیا کر و ژ سەدەما وێ تێکلییێن وێ و ئێکەتییا ئەورۆپا و ئەمریکا تێک چوون و سزایێن ئابۆری یێن مەزن ل سەر ھاتن سەپاندن.

بابه‌تێن ب ڤێ مژارێ ڤه‌ گرێدای