سەرۆکێ بۆلیڤیا یێ دەستژکارکێشایی رەڤی مەکسیکێ

سەرۆکێ بۆلیڤیا یێ دەستژکارکێشایی رەڤی مەکسیکێ

WAAR-دهۆك:

سەرۆکێ بۆلیڤیا یێ دەستژکار کێشایی ئەڤرۆ سپێدێ پشتی بریارا دەستەسەرکرنێ بۆ دەرچووی، رەڤی وه‌لاتێ مەکسیکێ.
ئیڤۆ مۆرالیس پشتی کو خوەنیشاندان و ئۆپۆزسیۆنا وەلاتێ وی ئەو نەچار کری دەست ژ کار بکێشیت، شڤێدی بریارا دەستەسەرکرنێ بۆ ھات دەرکرن و ھێزەکا ئەمنی شڤێدی ب سەر مالا وی داگرت، لێ حکومەتا مەکسیکێ دەستپێشخەرییا دانا مافێ پەنابەرییا سیاسی بۆ وی ھنارت و ئەو نەچار بوو ب فرۆکەیەکا تایبەت رەڤی مەکسیکێ.
مۆرالیس نووچەیێ دەرکەفتنا خوە ژ سنۆرێن بۆلیڤیا بەلاڤ کر و تێدا گۆتییە: خەمەکا مەزنە ئەو ژ بەر ئەگەرێن سیاسی ب ڤی رەنگی ژ وەلاتێ خوە دەرکەڤیت، لێ دوپات کر کو دەرکەفتنا وی تنێ دەمکی یە و دێ ب ھێزو وزەیەکا مەزن ڤە ڤەگەریت.
ئیڤۆ مۆرالیس د داوی ھەلبژارتنێن سەرۆکاتیا بۆلیڤیا دا سەرکەفتیە، لێ ئۆپۆزسیۆنێ ئەو ب سەختەکاریێ سووچبار کر و دانپێدان ب شەرعیەتا وی نەکر و خەلکێ وی وەلاتی ژی دەما بیست رۆژان بوو خوەنیشاندان ل دژی وی د کرن و نەچار بوو ده‌ست ژ پۆستێ خوە بەردەت.

بابه‌تێن ب ڤێ مژارێ ڤه‌ گرێدای