سەرۆککۆمارییا تورکیا: پەیەدە ژی مینا پەکەکێ تیرۆرستی یە

سەرۆککۆمارییا تورکیا: پەیەدە ژی مینا پەکەکێ تیرۆرستی یە

WAAR-دهۆك:

سەرۆککۆمارییا تورکیا رەخنە ل سیاسەتا ئەمریکا ل هەمبەر پەکەکێ گرتن و ژێ خواست: پەیەدە و یەپەگێ ژی بکەتە د لیستا تیرۆرێ دا.
ئیبراهیم کالین، پەیڤدارێ سەرۆککۆمارییا تورکیا د کۆنگرەیەکێ رۆژنامەڤانی دا راگەهاند: ئەمریکا دخوازیت پارتییا ئێکەتییا دیمۆکراتیک، پەیەدێ و بالێ وێ یێ سەربازی، یەکینەیێن پاراستنا گەل، یەپەگێ جودا ژ پەکەکێ بۆ جیهانێ بدەتە نیاسین و بێگونەهـ بکەت.
گۆت ژی: ئەڤە شاشییەکا مەزنە و پێدڤی یە ئەمریکا هەم وەک هەڤئەنداما تورکیا یا ناتۆیێ د بەرهنگاریبوونا تیرۆرێ دا ل سووریێ هاریکار بیت، هەم ژی پەیەدێ و یەپەگێ مینا پەکەکێ بکەتە د لیستا تیرۆرێ دا.
پشتی ئەمریکا خەلاتێ دوازدە ملیۆن دۆلاران بۆ دەستەسەرکرنا سێ سەرکردەیێن پەکەکێ تەرخان کرین، هنارتییێ سەرۆکاتییا ئەمریکا بۆ سووریێ راگەهاند بوو، کو هەلوەستێ واشنتۆنێ ل دۆر پەکەکێ زەلالە، لێ نە نها نە ژی پێشتر ب چاڤێ تیرۆرێ ل پەیەدێ نە نێرییە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.