سەرپێل کەمالبای ھات دەستەسەرکرن

سەرپێل کەمالبای ھات دەستەسەرکرن

WAAR-دهۆك:

ھەڤسەرۆکا بەرێ یا پارتییا دیمۆکراتیک یا گەلان ھەدەپێ ب تۆمەتا ھاندانا خەلکێ دژی لەشکرکێشییا سوپایێ تورکیا ل سەر عەفرینێ ھاتە دەستەسەرکرن.
ل گۆرەی نووچەیێن میدیایێن تورکیا، سەرپێل کەمالبای ب تۆمەتا ھاندانا خەلکێ دژی ھێرشا سەر عەفرینێ ژ ئالیێ پۆلیسان ڤە ھات دەستەسەرکرن.
رۆژا 10 ڤێ مەھێ ل دەمێ سازکرنا کۆنگرەیێ ھەدەپێ ل ئەنقەرە، پۆلیسێن تورکیا ب سەر مالا سەرپێل کەمالبای دا گرت ل ستەنبولێ، دۆزگەریا گشتییا ئەنقەرە ژی بریارا دەستەسەرکرنێ بۆ وێ و 16 ئەندامێن دییێن ھەدەپێ دەرکر.
کەمالبای ل ئەنقەرێ دەستەسەرکریە و تیمێن پۆلیسان بزاڤا گرتنا 16 ئەندامێن دی دکەن.
مەھا گولانا سالا بۆری، سەرپێل کەمالبای د کۆنگرەیێ نەئاسایی یێ ھەدەپێ دا ل شوونا فیگەن یوکسەکداغ وەکو ھەڤسەرۆکا ھەدەپێ ھات بوو دەستنیشان کرن، رۆژا 10ێ ڤێ مەھێ ژی ل کۆنگرەیێ ھەدەپێ سەزای تەمەللی ل شوونا وێ بوو ھەڤسەرۆکێ وێ پارتییێ.
پشتی ھێرشا سوپایێ تورکیا ل سەر عەفرینێ، ھێزێن ئێمناھییا تورکیا ھەوەک دژی وان چالاکێن سیاسی دەست پێ کرییە یێن دژی وێ ھێرشێ راوەستیاین.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.