سۆیلو: ئەمریکییان ل سووری ھەڤدیتن د گەل پارتییەکا تورکی یا تیرۆرستی دا کرینە

سۆیلو: ئەمریکییان ل سووری ھەڤدیتن د گەل پارتییەکا تورکی یا تیرۆرستی دا کرینە

 

WAAR-دهوك:

وەزیرێ ناڤخوە یێ تورکیا دیار کر ئەمریکییان بەری چاردە رۆژان ھەڤدیتن د گەل رێکخستنەکا تورکی یا چەپ و دژبەری حکومەتا تورکیا کرینە.
سلێمان سۆیلو، وەزیرێ ناڤخوە یێ تورکیا د ھەڤپەیڤینەکی دا راگەھاند: بەرپرسێن ئەمریکی بەری دو حەفتییان د ناڤا خاکا سوورییێ دا ھەڤدیتن د گەل ئەندامێن رێکخستنا “(پارتییا کۆمۆنیست یا مارکسی لینینی) یا تورکی ، کرییە و ئەو ھوورکاییێن وێ ھەڤدیتنێ دزانن و کا کیژان بەرپرسێ ئەمریکی پشکدار بوویە و ناڤێن ھەموو پشکدارێن ھەڤدیتنێ و ناڤەرۆکا وێ ھەڤدیتنێ ژی دزانن.
سۆیلویی ھەروەسا گۆت: ئەو دزانن کی ل پشت پارتییا کارکەرێن کوردستانێ، پەکەکێ ژی یە و بۆچی ئەمریکا ل باکۆرێ رۆژھەلاتێ سوورییێ یە و بۆچی دەولەتێن دونیایێ ھەول ددەن بۆ خوە جهه‌كى ل وێ دەڤەرێ چێبکەن و ئەو شاھین جیلۆیێ ناڤدار ب مەزلووم کۆبانی ژی دنیاسن کو نەتەوەیێن ئێکگرتی رێککەفتن د گەل دا کرییە و جھێ وی ژی د ناڤا پەکەکێ دا دزانن.

بابه‌تێن ب ڤێ مژارێ ڤه‌ گرێدای