سوپایێ سوورییێ پرانییا باژارکێ خانشەیخوونێ کۆنترۆل کر

سوپایێ سوورییێ پرانییا باژارکێ خانشەیخوونێ کۆنترۆل کر

WAAR-دهوك:

سوپایێ سوورییێ ئەڤرۆ سپێدێ ھەموو تاخێن باکۆرێ باژارکێ خان شه‌یخوونێ کۆنترۆل کرن و ژ کۆنترۆلکرنا ب ئێکجاری یا وی باژارکی نیزیک بوو.
شەر و پەڤچوونێن سوپایێ سوورییێ و بەرەیا نوسرە ل باژارکێ خان شه‌یخوونێ یێ ستراتیژی کو دکەڤیتە باشۆرێ ئدلبێ بەردەوامن، نھا ژی نێزیکە کۆنترۆلا باژارکێ ب تەمامی بکەڤیتە دەست سوپایێ حکومەتا سورییێ.
ل گۆرەی ئاژانسا سپۆتنیک یا رۆسی، ئەڤرۆ سپێدی ھێزێن سووری ھەموو تاخێن باکۆری وی باژارکی کۆنترۆل کرن و نھا دەست ب پاقژکرنا وان تاخان ژ مینان کرییه‌ و دیار کر؛ نھا تەنێ تاخێن باشۆر ماینە.
باژارکێ خان شه‌یخوونێ ژ سالا دو ھزار و چارده‌یێ د دەست بەرەیا نوسرە دا یە، کۆنترۆلکرنا وی ژی ژ ئالییێ سوپایێ سوورییێ ب دەستکەفتەك مەزن بۆ حکومەتا بەشار ئەسەدی دھێتە ھەژمارتن.

بابه‌تێن ب ڤێ مژارێ ڤه‌ گرێدای