سوپایێ تورکیا گوندەوارێن تل تەمرێ تۆپباران دکەت

سوپایێ تورکیا گوندەوارێن تل تەمرێ تۆپباران دکەت

WAAR-دهۆك:

سوپایێ تورکیا ئەڤرۆ گوندەوارێن تل تەمرێ تۆپباران کرن، شڤێدی ژی چەکدارێن میلیشیایێن گرێدای وێ ھێرشی ھێزێن جڤاتا سەربازییا منبجێ کر و شەر و پەڤچوون روودان.
ل گۆری ناڤەندا مەدیا ھەسەدێ، ئەڤرۆ سوپایێ تورکیا و چەکدارێن میلیشیایێن گرێدای وێ ل ناوچەدارییا تل تەمرێ، ھەردو گوندێن داودیێ و عەریشە ب دژواری تۆپبارانکرن.
ژ ئالییێ خوە ڤە جڤاتا سەربازییا منبجێ د بەیانەکێ دا راگەھاند؛ شڤێدی درەنگ چەکدارێن میلیشیایێن تورکیا ل ھەر دو گوندێن یاشلی و ئوم عەدەسە ل باکۆرێ رۆژئاڤاێی باژاری منبجێ ب چەکێن گران ھێرشی خالێن ھێزێن وان کر.
جڤاتا سەربازییا منبجێ دیار کر: ھێزێن وان بەرسڤا ھێرشان دا و شەر و پەڤچوون دەم بۆ دەمی رووددان.
نەرینگەھا سووری یا مافێن مرۆڤی ژی ئاشکرا کر: د شەر و پەڤچوونێن بیست و چار ساتێن بۆری دا سێزدە شەرڤانێن ھەسەدێ شەھیدبووینە، د ھەمبەر دا یازدە چەکدارێن میلیشیایێن سەر ب تورکیا ڤە ھاتینە کوشتن.

بابه‌تێن ب ڤێ مژارێ ڤه‌ گرێدای