سوپایێ تورکیا و ئۆپۆزسیۆنا سوورییێ گوندێن شەرایێ بۆمبەباران کرن ڤە

سوپایێ تورکیا و ئۆپۆزسیۆنا سوورییێ گوندێن شەرایێ بۆمبەباران کرن ڤە

WAAR- دهوك:

سوپایێ تورکیا و ئۆپۆزسیۆنا سوورییێ دەست ب بۆمبەبارانکرنا گوندێن ناوچەدارییا شەرایێ یا سەر ب عەفرینێ ڤە کر ڤە.
ژێدەرێن نووچەیان یێن رۆژئاڤایێ کوردستانێ دیار کر؛ سوپایێ تورکیا و ھێزێن ئۆپۆزسیۆنا سووریا یێن سەر ب وێ دوھی دوبارە دەست ب بۆمبەبارانکرنا گوندێن سەر ب ناوچەدارییا شەرا یا سەر ب ھەرێما عەفرینێ یا رۆژئاڤایێ کوردستانێ ڤە، کر ڤە و ژ دوھی گوندێن مەرعەناز، عەلقەمییە، عەین دقنە و منگێ ب دژواری دھێن بۆمبەبارانکرن و زێدەباری ھنگافتنا چەندین خانییێن وان گوندان و زیانێن ماددی یێن مەزن یێن پشتراست، تا نھا زیانێن گیانی نەھاتینە زانین.
سوپایێ تورکیا و چەکدارێن ئۆپۆزسیۆنێ د 2 مەھێن بووری ژی دا چەندین جاران گوندێن شەوارغە و مالکییە و مەرعەنازێ، ھەروەسا تلرەفعەت و چەندین گوند و دەڤەرێن د ناڤبەرا هه‌رێمێن عەفرین وشەھبایێ یێن رۆژئاڤایێ کوردستانێ یێن د دەست یەکینەیێن پاراستنا گەل، یەپەگێ دا ب دژواری بۆمبەباران کرینە و د ھێرشەکا بەرفرەھـ دا ل مەھا 5  شکەستبوو و ب دەھان سەرباز و چەکدار و پلەدارێن وان ھاتبوون کوشتن.

بابه‌تێن ب ڤێ مژارێ ڤه‌ گرێدای