سوودان.. کۆدەتایەکا سەربازی ھات ژناڤبرن

سوودان.. کۆدەتایەکا سەربازی ھات ژناڤبرن

WAAR-دهۆك:

ل سوودانێ بزاڤەکا کۆدەتایا سەربازی ھاتە کرن، لێ ھەر زوو ئەو بزاڤە ھاتە ژناڤبرن.
فەریق جەمال عومەر، ئەندامێ جڤاتا سەربازی یا کاربرێکەر ل سوودانێ راگەھاند؛ کۆدەتا ژ ئالیێ چەندین سەرکردەی و سەربازێن سوپایی ڤە ھاتە کرن، لێ ئەو شیان ھەر زوو کونترۆلێ ل سەر بکەن و نەھێلن ئاگرێ وێ مەزن ببیت.
وی ئەندامێ جڤاتا سەربازی ئاشکرا کر کو تا نھا شازدە سەرباز ب تۆمەتا کۆدەتایێ ھاتینە گرتن و بزاڤێن وان یێن گرتنا ھەموو سەربازێن دی یێن پشکداری کۆدەتایێ بوون بەردەوامن.
جڤاتا سەربازی یا سوودانێ ب کۆدەتایێ ھاتیە سەر دەستھەلاتێ پشتی کو ل رۆژا یازدی مەھا نیسانا ئەڤسالە ب کۆدەتایەکا سەربازی یا سەرکەفتی دا عومەر بەشیر، سەرۆکێ بەرێ ل سەر دەستھەلاتێ راکری.

بابه‌تێن ب ڤێ مژارێ ڤه‌ گرێدای