سوبه‌ به‌غدا دێ مووچه‌یێن ڤێ مه‌هێ بۆ هه‌رێمێ هنێریت

سوبه‌ به‌غدا دێ مووچه‌یێن ڤێ مه‌هێ بۆ هه‌رێمێ هنێریت

WAAR-دهۆك:

چاڤه‌رێ دهێت كرن، سوبه‌ حكومه‌تا فیدرال، به‌هرا هه‌رێما كوردستانێ یا مووچه‌یێن فه‌رمانبه‌ران بۆ ڤێ مه‌هێ بهنێریت، وه‌زیرێ دارایی ژی راگه‌هاندییه‌؛ چ گرفته‌ك د پرسا مووچه‌ی دا نینه‌.
ل گۆری زانیاریێن وار، سوبه‌ رۆژا سێشه‌مبێ وه‌زاره‌تا داراییا یا ئیراقێ دێ به‌هرا هه‌رێما كوردستانێ یا مووچه‌یێن فه‌رمانبه‌ران بۆ ڤێ مه‌هێ ره‌وانه‌ی هه‌ولێرێ كه‌ت، د. فوئاد حسێن، وه‌زیرێ داراییا ئیراقێ ژی دوپات كرییه‌، گیرۆكرنا هنارتنێ ب رامانا وێ چه‌ندێ ناهێت كو كێشه‌ هه‌نه‌.
د ڤێ ده‌ربارێ دا، لژنه‌یا دارایی ل په‌رله‌مانێ ئیراقێ دیاركرییه‌، ئه‌وان په‌یوه‌ندی ب وه‌زیرێ دارایی یێ ئیراقێ كرییه‌ و ره‌تكرییه‌ چ گرفت و كێشه‌یه‌ك د پرسا هنارتنا مووچه‌یێ فه‌رمانبه‌رێن هه‌رێما كوردستانێ دا هه‌بیت.
مووچه‌یێ فه‌رمانبه‌رێن هه‌رێما كوردستانێ وه‌ك برگه‌یه‌كا تایبه‌ت د پرۆژه‌یا بودجه‌یا ئیراقێ دا هاتییه‌ جێگیر كرن، وه‌زاره‌تا داراییا ئیراقێ ژی رادگه‌هینیت؛ گیربوونا هنارتنێ گرێدا وی ژڤانی یه‌، ئه‌وێ وه‌زاره‌ت بۆ به‌لاڤكرنا مووچه‌ی ده‌ستنیشان دكه‌ت.

بابه‌تێن ب ڤێ مژارێ ڤه‌ گرێدای