سه‌رۆك بارزانی: دێ ب ئیراده‌یه‌كا بهێزتر خه‌باتێ به‌رده‌وام كه‌ین

سه‌رۆك بارزانی: دێ ب ئیراده‌یه‌كا بهێزتر خه‌باتێ به‌رده‌وام كه‌ین

WAAR-دهۆك:

سه‌رۆك مه‌سعوود بارزانی ئه‌ڤرۆ په‌یامه‌ك ب هه‌لكه‌فتا بۆرینا 42 سالان ل سه‌ر شۆرشا گولانێ به‌لاڤكر و راگه‌هاند؛ دێ ب هێزه‌كا مه‌زنتر به‌رده‌وامیێ ب خه‌باتێ ده‌ین.
سه‌رۆك بارزانی ئه‌ڤرۆ د سالیا دا چل و دوێ یا شۆرشا گولانا پێشكه‌فتنخواز دا، په‌یامه‌ك‌ به‌لاڤكر و تێدا، پیرۆزباهی ل گه‌لێ كوردستانێ و هه‌موو تێكۆشه‌ر، پێشمه‌رگه‌یێن قه‌هره‌مان و نیشتیمان په‌روه‌ران كرینه‌ كو ل پێناڤێ ئارمانجێن شۆرشێ قوربانی داینه‌.
سه‌رۆك بارزانی گۆت: شۆرشا گولانێ، په‌یاما خوه‌ راده‌ست نه‌كرنا گه‌لێ كوردستانێ بوو، ل دژی سته‌م و داگیركاریێ، هه‌روه‌ها پیلانێن نێڤده‌وله‌تی، ئه‌وێن بۆ ژناڤبرنا شۆرشێن كوردستانێ هاتن دارێتن، هه‌روه‌ها ب درێژه‌ پێده‌را شۆرشێن پێشتر بوو، بارزانی دوپاتكر، گولان قۆناغه‌كا گرنگا خه‌باتا گه‌لێ كورده‌.
د په‌یاما بارزانی دا هاتییه‌: شۆرشا گولانێ سه‌لماند كو گه‌ر د قۆناغه‌كێ دا، خه‌باتا گه‌لێ كوردستانێ تووشی راوه‌ستان و نسكۆیێ بیت، لێ ئیراده‌یا گه‌لێ كوردستانێ ل چ ده‌مه‌كی نه‌شكه‌ستییه‌ و ب هه‌ناسه‌ و تێهنه‌كا نوو، به‌رده‌وام كار ژبۆ گه‌هشتن ب ئازادیێ كرییه‌.
سه‌رۆك بارزانی گۆتییه‌: ئه‌و ده‌ستكه‌فتێن نها هه‌ین، به‌رهه‌مێ خوین و قوربانیدانا گه‌لێ كورده‌ د شۆرشا گولانێ و گشت شۆرشێن دیتر دا.
هه‌روه‌ها گۆت: د ئه‌ڤێ یادێ دا، ئه‌و دوپات دكه‌ن كو ئیراده‌یا گه‌لێ كورد بهێزه‌ و سه‌ربازی هه‌بوونا پیلانان، دێ ب ئیراده‌یه‌كا بهێزتر ژ جاران، به‌رده‌وامی ب خه‌باتێ ل پێناڤێ بده‌ستخستنا مافێن ره‌وا كه‌ن و هه‌روه‌ها به‌رده‌وامیێ ده‌نه‌ په‌یاما ئاشتی، پێڤكه‌ژیان و پێشكه‌فتن خوازیێ.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.