سه‌رۆكێ هه‌رێمێ و ئالیێن سیاسی د كۆمبوونێ دانه‌

سه‌رۆكێ هه‌رێمێ و ئالیێن سیاسی د كۆمبوونێ دانه‌

WAAR-دهۆك:

سه‌رۆكێ هه‌رێما كوردستانێ ئه‌ڤرۆ دگه‌ل ئالیێن سیاسی یێن هه‌رێمێ كۆمبوو، ژ بۆ گۆتوبێژا ره‌وش و ئالۆزیێن نها یێن ئیراقا فیدرال.
نێچیرڤان بارزانی، سه‌رۆكێ هه‌رێما كوردستانێ ئه‌ڤرۆ ل باره‌گه‌هێ سه‌رۆكاتیێ، دگه‌ل كه‌سێن ئێكێ یێن ئالیێن سیاسی یێن هه‌رێما كوردستانێ كۆمبوو، د. به‌رهه‌م سالح سه‌رۆك كۆمارێ ئیراقێ، رێواز فایه‌ق سه‌رۆكا په‌رله‌مانێ كوردستانێ و هه‌روه‌ها مه‌سروور بارزانی سه‌رۆك وه‌زیرێن هه‌رێمێ ژی پشكدار كۆمبوونێ نه‌.
هۆزان قادر په‌یامنێرێ وار دیاركر، كۆمبوونا سه‌رۆك نێچیرڤان بارزانی و ئالیێن سیاسی ژ بۆ گۆتوبێژا داوی ئالۆزیێن ئیراقێ یه‌ و كارتێكرنا وان ل سه‌ر هه‌رێمێ، تایبه‌ت كو نها كار بۆ راستڤه‌كرنا ده‌ستوورێ ئیراقێ دهێت كرن.
نێچیرڤان بارزانی پێشتر راگه‌هاندبوو، ده‌ستوورێ نها یێ ئیراقێ چ كێشه‌ تێدا نینن، به‌لكو كێشه‌ د بجهئینانا ده‌ستووری دایه‌، هه‌روه‌ها گۆتبوو: هه‌ر راستڤه‌كرنه‌كا ل سه‌ر ده‌ستووری بهێته‌ كرن، پێدڤییه‌ پێگه‌هێ هه‌رێمێ و ده‌ستهه‌لاتێن وێ ل به‌ر چاڤ بهێنه‌ وه‌رگرتن.
كۆمبوونا ئه‌ڤرۆ یا سه‌رۆكێ هه‌رێما كوردستانێ دگه‌ل ئالیێن سیاسی یا دوێ یه‌، پشتی كو ل ده‌ستپێكا مه‌ها بۆری د ئێكه‌م كۆمبوون دا، نێچیرڤان بارزانی ژبۆ یه‌كده‌نگی و یه‌كهه‌لوه‌ستییا ئالیێن كوردستانێ دگه‌ل كه‌سێن ئێكێ یێن پارت و ئالیێن سیاسی یێن هه‌رێمێ كۆمبووی.

بابه‌تێن ب ڤێ مژارێ ڤه‌ گرێدای