سائیروون: ل سه‌ر ژكارلادانا عه‌بدولمه‌هدی رژدین

سائیروون: ل سه‌ر ژكارلادانا عه‌بدولمه‌هدی رژدین

WAAR-دهۆك:

هه‌ڤپه‌یمانییا سائیروون ئه‌ڤرۆ راگه‌هاند؛ ئه‌و رژده‌ عادل عه‌بدولمه‌هدی سه‌رۆك وه‌زیرێن ئیراقێ بهێته‌ ژكارلادان و دوپات كر، موقته‌دا سه‌در ده‌ست ژ ڤێ ئارمانجێ به‌رناده‌ت.
هه‌ڤپه‌یمانییا سائیروون ئه‌ڤرۆ ل سه‌ر زارێ په‌رله‌مانتارێ خوه‌ ره‌عه‌د ئه‌ل مه‌گسووسی راگه‌هاند؛ ئه‌و رژدن عادل عه‌بدولمه‌هدی ژ پۆستێ سه‌رۆكاتییا حكومه‌تێ لاده‌ن گۆت: كارێ وان ل سه‌ر وێ دۆسییێ به‌رده‌وامه‌.
دیار ژی كر، موقته‌دا سه‌در رێبه‌رێ ره‌وتا سه‌دری ده‌ست ژ پرسا ژ كارلادانا عه‌بدولمه‌هدی به‌رنه‌دایه‌ و بزاڤێن كۆمكرنا ده‌نگێن پێدڤی بۆ لادانا وی ل په‌رله‌مانی به‌رده‌وامن.
موقته‌دا سه‌در ل رۆژێن بۆری هۆشدار دابوونه‌ عه‌بدولمه‌هدی ئه‌گه‌ر ده‌ست ژ كار نه‌كێشیت، عه‌بدولمه‌هدی ژی ئاماده‌یا خوه‌ ژ بۆ وێ داخوازیێ نیشان دا ب وی مه‌رجێ كو ڤالاهییا ده‌ستووری ل ئیراقێ درست نه‌بیت.

بابه‌تێن ب ڤێ مژارێ ڤه‌ گرێدای