زەریف: تیما B دخوازیت تەهران و واشنتۆن شەری بکەن

زەریف: تیما B دخوازیت تەهران و واشنتۆن شەری بکەن

WAAR-دهۆك:

وەزیرێ دەرڤە یێ ئیرانێ داوی تویتێن سەرۆکێ ئەمریکا رەخنە کرن و راگەهاند، واشنتۆن نزانیت چ دکەت.
محەمەد جەواد زەریف، وەزیرێ دەرڤە یێ ئیرانێ د تویتەکێ دا راگەهاند، تیما B دخوازیت ترامپی تووشی شەرەکی بکەت، لێ د هەمان دەم دا ترامپ داخۆیانییان ب رەنگەکێ دی ددەت و ب ڤێ یەکێ دیار دبیت کو ئەمریکا نزانیت چ دکەت.
زەریفی تیما B کو ژ جۆن بۆلتۆن، شیرەتکارێ ئاساییشا نشتیمانی یا ئەمریکا، بنیامێن نەتەنیاهۆ، سەرۆکوەزیرێ ئسرائیلێ، محەمەد بن سەلمان، تاجپارێزێ سعوودیێ و هەروەسا محەمەد بن زایید، جێگرێ پاشایێ ئیماراتێ پێک دهێت، ب ئالیێن تێکدەر ناڤ کرینە و ب دیتنا وی، ئەڤ 4 کەس دخوازن ئەمریکا و ئیران شەڕی بکەن.
تڕامپی دوهی ژ ژمارەکا تویتان دا مەدیایێن ئەمریکی رەخنە کرن و راپۆرتێن دەربارەی دەستپێکرنا شەڕی د ناڤبەرا ئەمریکا و ئیرانێ دا، ب شاش و نەدروست ناڤ کرن.

بابه‌تێن ب ڤێ مژارێ ڤه‌ گرێدای