زەریفی ل دۆر ھەلوەستی ئەمریکا داخوازییەک ژ ئیراقێ کر

زەریفی ل دۆر ھەلوەستی ئەمریکا داخوازییەک ژ ئیراقێ کر

WAAR-دهۆك:

وەزیرێ دەرڤەیێ ئیرانێ داخواز ژ ئیراقێ کر نەبیتە پشکەک ژ ھەلوەستێن ئەمریکا ل دژی كومارا ئیسلامى و ھەروەسا ب دژواری ھێرشی ھەلوەستێ وەلاتێن عەرەبی ل دۆر ھەماھەنگییا لگەل ئەمریکا کر.
مەدیایێن ئیراقی بەلاڤکر: محەمەد جەواد زەریف وەزیرێ دەرڤەیێ ئیرانێ داخواز ژ ھەڤکیفێ خوە یێ ئیراقی محەمەد حەکیمی کر، ئیراق خوە ژ ھەلوەستێن ئەمریکا ل دژی ئیرانێ دووربێخیت.
مۆحەمەد جەواد زەریفی ھەروەسا راگەھاند؛ چار سالێن بۆمبەبارانا ھەرەمەکی یا ئەمریکا و ھەڤپەیمانێن وێ ل سەر یەمەنێ ب سەدان ھزار سڤیل کوشتینە و نێزیکی بیست ملیۆن کەسان ژ کێمیا خوارنێ د نالن و دو ملیۆن و سێسەد ھزار کەسێن دی توشی کۆلێرایێ بووینە.
ھەروەھا گۆت: ئەڤ سیاسەتا ئەمریکا وەسا دیار دکەت کو پەترۆلا وەلاتێن عەرەبی ژ خوینا خەلکێ گرنگترە بۆ ئەمریکا و نھا ئه‌مریكا بەرسڤا یەمەنیان بۆ ئارمانجکرنا کێلگەھێن پەترۆلا سعودیێ ب تاوانێن شەری ناڤ دکەن.

بابه‌تێن ب ڤێ مژارێ ڤه‌ گرێدای