رێڤەبەرییا خوەسەر: داخویانییێن ترامپی رێ ل ھەمبەر قرکرنان ڤەدکەن

رێڤەبەرییا خوەسەر: داخویانییێن ترامپی رێ ل ھەمبەر قرکرنان ڤەدکەن

WAAR-دهۆك:

رێڤەبەرییا خوەسەر د بەرسڤا سەرۆکێ ئەمریکا دا ل دۆر ئاگربەستێ و دیار کر کو ئەو مەندەھۆشن و داخویانییێن وی رێ ل ھەمبەر قرکرنێن نەژادی ڤەدکەن.
رێڤەبەرییا خوەسەر ل باکۆر و رۆژھەلاتێ سوورییێ د بەیانەکێ دا راگەھاند: ئەو ب مەندەھۆشی داخویانییێن دۆنالد ترامپ، سەرۆکێ ئەمریکا ل دۆر ئاگربەستێ ل باکۆرێ سوورییێ دشۆپینن کو دوپات دکەت ئاگربەستا دەمکی سەرکەفتییانە و ب پێگرییا تورکیا برێ ڤە دچیت، لێ د راستی دا تورکیا و میلیشیایێن سەر ب وێ ڤە ب چ ئاوایان رێککەفتن بجھـ نەئینایە و پێگیر نەبوویە، بەلکو چەندین جاران و بەردەوام بنپێ کرییە.
رێڤەبەرییا خوەسەر ھەروەسا خویا کر؛ داخویانییێن برێز ترامپی یێن داوییێ ل دۆر بجھکرنا کوردان ل دەڤەرێن نوو، دەرگەھی ل ھەمبەر جینۆسایدێن نەژادی ڤەدکەت کو ئارمانجا تورکیا نە، ژ بەر کو پێدڤییە ئاوارەیێن سەرێ کانییێ و گرێ سپی و گوندەوارێن وان ب گرەنتییێن نێڤدەولەتی و ل ژێر پاراستنا نێڤدەولەتی ڤەبگەرن جھێن خوە، بەروڤاژی وێ دێ تورکیا گەلێ وان ب تەمامی قڕ کەت و ئەمریکا بەرپرسیارا تەمام یا وێ یەکێ یە.

بابه‌تێن ب ڤێ مژارێ ڤه‌ گرێدای