رێڤه‌به‌رییا نه‌هێلانا ماده‌یێن هوشبه‌ر ئامارا 6 مه‌هێن بووری به‌لاڤ كر

رێڤه‌به‌رییا نه‌هێلانا ماده‌یێن هوشبه‌ر ئامارا 6 مه‌هێن بووری به‌لاڤ كر

WAAR-دهۆك:

رێڤه‌به‌رییا گشتی یا نه‌هێلانا مادده‌یێن هوشبه‌ر ئامارا شه‌ش مه‌هێن بۆری به‌لاڤكر و تێدا دیاركر: هێزێن وان شیاینه‌ شه‌شسه‌د و پێنجی و ئێك كه‌سان ب سووچار بكارئینان و بازرگانیكرنا مادده‌یێن هوشبه‌ر بگرن.
د راگه‌هاندنه‌كێ دا رێڤه‌به‌رییا گشتی یا نه‌هێلانا مادده‌یێن هوشبه‌ر ئاشكه‌را كر: هێزێن وان د شه‌ش مه‌هێن بۆری دا ده‌ست ب سه‌ر نۆت و دو كیلۆیێن مادده‌یێن هوشبه‌ر دا گرتینه‌، ژ وێ ژماره‌یێ پتری هه‌شتێ و ئێك كیلۆگرامان ژ جۆرێ هیرۆیین بوون.
دا زانین ژی: هه‌ر د درێژه‌یا چالاكیێن وان دا، ده‌ست ب سه‌ر پتری حه‌فت هزار حه‌بێن هوشبه‌ر دا هاتیه‌ گرتن و شه‌شسه‌د و پێنجی ئێك كه‌س ب سووچا بكارئینان و بازرگانیكرنا مادده‌یێن هوشبه‌ر دا هاتینه‌ گرتن كو دوسه‌د و سیهـ و پێنج ژ وان تاوان ل سه‌ر ساخبووینه‌.
ژبلی مادده‌یێن هوشبه‌ر، رێڤه‌به‌رییا گشتی یا نه‌هێلانا مادده‌یێن هوشبه‌ر ئاماره‌كا دی ل دۆر دراڤێ سه‌خته‌ بلاڤكر و تێدا ئاماژه‌ دا، ده‌ست ب سه‌ر دوسه‌د هزار دینارێن ئیراقی و چار هزار و شه‌شسه‌د دۆلارێن ئه‌مریكی ژی دا هاتیه‌ گرتن.

بابه‌تێن ب ڤێ مژارێ ڤه‌ گرێدای