رۆژھەلاتێ کوردستانێ.. ژ دوھی 3 ژنان خوە کوشتییە

رۆژھەلاتێ کوردستانێ.. ژ دوھی 3 ژنان خوە کوشتییە

WAAR-دهۆك:

ژ دوھی سێ ژنێن رۆژھەلاتێ کوردستانێ ژ بەر سەدەمێن جودا جودا ژیانا خوە ب داوی ئینایە و هه‌ر دو رۆژان ژنه‌ک داوییێ ب ژیانا خوه‌ دئینیت.
رێکخستنا ھەنگاو یا مافێن مرۆڤی یا رۆژھەلاتێ کوردستانێ ئاشکەرا کر؛ ئەڤرۆ ژنەکا بیست و شەش سالی یا باژارێ کرمانشانێ یێ رۆژھەلاتێ کوردستانێ، ب ناڤێ زینەت کەرەمی کو دایکا زارۆکەکی بوو، ژ بەر پرسگرێکێن مالباتی ب رێیا خوارنا حەبان داوی ب ژیانا خوە ئینا.
ھەنگاوێ دیار ژی کر؛ دوھی ژی ژنەکا باژارێ پیرانشارێ یێ پارێزگەھا ئورمییێ یا رۆژھەلاتێ کوردستانێ، ب ناڤێ پرشەنگ سالحی ژ بەر دەستکورتی و ھەژارییێ ئاگر بەدایە خوە و داوی ب ژیانا خوە ئینایە و ژنەکا دی یا بیست و ھەشت سالی ب ناڤێ ئیلھام مورادی ژ بەر پرسگرێکێن مالباتی ل باژارێ کامیارانێ داوی ب ژیانا خوە ئینایە.
ھەنگاوێ ھەروەسا ئامارا خوەکوشتنا ژنان ژ نەورۆزا ئەڤ سالە بەلاڤ کر و ئاشکەرا کر؛ ژ بیست و ئێکی ئادارێ تا نھا، سیھـ ژنێن رۆژھەلاتێ کوردستانێ ژ بەر سەدەمێن جودا جودا داوی ب ژیانا خوە ئینایە.

بابه‌تێن ب ڤێ مژارێ ڤه‌ گرێدای