رۆژا هه‌شتێ ژ هه‌ڤركیێن خۆلا یاریێن هاڤینێ یێن زانكویان

رۆژا هه‌شتێ ژ هه‌ڤركیێن خۆلا یاریێن هاڤینێ یێن زانكویان

WAAR-دهۆك:

د ھەڤرکیێن رۆژا ھەشتێ ژ خۆلا یاریێن ھاڤینێ یێن زانکویان ئەوێن لباژێرێ ناپۆلی یێ ئیتالی دھێنە برێڤەبرن . مەلەڤانێ بریتانی دیڤێد کامبر لیج زێرێ بەریکانەیا ٥٠ متر ئازاد بدەستڤەبر، پشتی بەریکانە ب ٢١ چرکە و ٩٧ پشکێن چرکەیێ بداوی ئینای، و یێ چاپانی کوسوکی ماتسوی لرێزا دووێ ھات، و یێ رۆسی دانیێل مارکوف میدالییا برۆنزی بدەستڤەبر.
تیما ئەمریکا رێزا ئێکێ دبەریکانەیا چار جاران ١٠٠ متر بدەستڤەبر، پشتی بەریکانە ب سێ خۆلەک و ٣٣ چرکە و دوو پشکەیان بداوی ئینای . لسەر ئاستێ کچان ژی تیما ئەمریکا لرێزا ئێکێ ھات و تیمێن چاپان و کەنەدا لرێزێن دووێ و سێیێ ھاتن .
ژلایەکێ دیڤە بەزۆکێ پولەندی ماکیل روزمیس زێرێ غاردانا ١٥٠٠ متری ب سێ خۆلەک و ٥٣ چرکە و ٦٧ پشکێن چرکەیێ بدەستڤەبر . بەزۆکا ئوسترالی کاتریونا بیسێت زێری غاردانا ٨٠٠ متر بدەستڤەبر، پشتی دوو خۆلەک و ئێک چرکە و ٢٠ پشکێن چرکەیێ تۆمارکرین .
چینێ کونترۆل لسەر زێرێ تەپا مێزێ لسەر ئاستێ کور و کچانکر، کو ڤان سیکی و وانگ ئیدی ناسناڤێ کچان بدەستڤەبر، و یۆ زیانگ و زھاو زیھاو ب زێرێ کوران ھاتنە خەلاتکرن.

بابه‌تێن ب ڤێ مژارێ ڤه‌ گرێدای