رۆژئاڤایێ کوردستانێ.. کاروانەکێ چەک و تەقەمەنییان گەھشت ناڤەندا قەسرکێ

رۆژئاڤایێ کوردستانێ.. کاروانەکێ چەک و تەقەمەنییان گەھشت ناڤەندا قەسرکێ

WAAR-دهۆك:

سوپایێ ئەمریکا گەرەکا چاڤدێرییێ ل ناڤەندا قەسرکێ بەر ب تل تەمرێ دەست پێ کر و چەک و ھاریکارییێن مەزن یێن لەشکەری گەھشتن وێ ناڤەندێ.
ل گۆری ژێدەرێن نووچەیان یێن رۆژئاڤایێ کوردستانێ، سوپایێ ئەمریکا ئەڤرۆ ل ناڤەندا قەسرکێ یا گوندەوارێن رۆژھەلاتێ ناوچەدارییا تل تەمرێ، گەرەکا چاڤدێرییێ ب تانکێن ئەبرامز بەر ب رێیا نێڤدەولەتی یا قامشلۆ-حەلەبێ و ناڤەندا تل تەمرێ دەست پێ کر و ئەڤە یەکەمین گەرا چاڤدێرییێ یا ئەمریکا یە ل وێ دەڤەرێ و ھەڤدەمی ھەبوونا ھێزێن رژێم و رۆسیا و تۆپبارانێن ھەردو ئالییانە ل وێ دەڤەرێ.
ئەڤرۆ سپێدێ کاروانەکێ بارگەلگر و ترۆمبێلێن لۆدەر یێن ب چەک، تەقەمەنی، پێدڤییێن لۆجستی و ئالاڤێن لەشکەری د گەل حەفت تانکێن ئەبرامز گەھشتبوون ناڤەندا قەسرکێ و دوھی ژی دو ھەلیکۆپتەرێن سوپایێ ئەمریکا چەک و تەقەمەنی گەھاندبوون وێ ناڤەندێ.

بابه‌تێن ب ڤێ مژارێ ڤه‌ گرێدای