رۆژئاڤایێ كوردستانێ.. 9 سڤیلان د هێرشێ دا ژیانا خوه‌ ژده‌ستدا

رۆژئاڤایێ كوردستانێ.. 9 سڤیلان د هێرشێ دا ژیانا خوه‌ ژده‌ستدا

WAAR-دهۆك:

د یه‌كه‌م رۆژا هێرشا سوپایێ توركیا و هه‌ڤپه‌یمانێن وێ دا ل ده‌ڤه‌را رۆژهه‌لاتێ فوراتی، نه‌هـ كه‌سێن سڤیل ژیانا خوه‌ ژ ده‌ستدا و هه‌ژه‌ماره‌ك ژی بریندار بوون.
ناڤه‌ندا راگه‌هاندنا هێزێن سووریایا دیمۆكراتیك د به‌یانه‌كێ دا دیاركرییه‌، ژ ئه‌نجاما هێرشێن ئاسمانی یێن سوپایێ توركیا و هه‌روه‌ها تۆپبارانا هێزێن په‌یاده‌ یێن توركیا و میلیشیایێن سوپایێ ئازاد ل سه‌ر باژار و باژاركێن رۆژئاڤا كوردستانێ، نه‌هـ كه‌سێن سڤیلان ژیانا خوه‌ ژ ده‌ستداینه‌ و هه‌ژماره‌ك ژی بریندار بووینه‌.
جهێن سڤیل لێ بووینه‌ قوربانی، سه‌رێ كانیێ، گرێ سپی، گونده‌وارێ قامشلۆ و كۆبانێ نه.
هه‌سه‌دێ د وێ به‌یانێ دا ئاماژه‌ كریه‌ سێ شه‌رڤانێن وان ژی د هێرشێن ئاسمانی دا ژیانا خوه‌ ژده‌ستداینه‌.
سوپایێ توركیا دوهی ئێڤاری هێرشا سه‌ر رۆژئاڤا كوردستانێ ده‌ستپێكر، فرۆكه‌یێن شه‌ركه‌ر و هێزێن په‌یاده‌، ده‌ڤه‌رێن سه‌رێ كانیێ، گرێ سپیێ، دربێسیێ، قامشلۆ و عامۆدێ، هه‌ر وها گونده‌وارێن شه‌رایێ بۆمبه‌باران كرینه‌.

بابه‌تێن ب ڤێ مژارێ ڤه‌ گرێدای