رۆنالدو دێ پشكدارییێ دخۆلا هه‌لبژارتیێن ئورۆپا دا كه‌ت

رۆنالدو دێ پشكدارییێ دخۆلا هه‌لبژارتیێن ئورۆپا دا كه‌ت

WAAR-دهۆك:

ستێرا یانەیا یوڤێنتۆس کریستیانۆ رۆنالدو لسەرێ لیستا یاریکەرێن ھەلبژارتییێ پورتۆگالێ بۆ پشکداریکرنێ دیاریێن قۆناغا پێشداوییا خۆلا قارەمانێن ئورۆپا دا ھاتە دانان. خۆلا ھەلبژارتیێن ئورۆپا دێ بیتە قارەمانییا ١٠ یا نێڤدەولەتی رۆنالدو یێ ٣٤ سالی پشکدارییێ تێدا دکەت، کو ژ بۆ پتر خۆ گونجاندنێ دگەل یانەیا خۆ یوڤێنتۆسێ پشکداری دیاریێن قۆناغا کومان دا نەکربوو، و ژبلی وی راھێنەرێ قارەمانا ئورۆپا فێرناندو سانتۆسی ھژمارەکا یاریکەرێن خودان سەربۆر بۆ دیدارا سویسرا د پێشداوییا ڤێ قارەمانییێ دا گازیکرینە، وەکو گۆلپارێز روی پاتریسیۆ، و یاریکەرێن ھێلا بەرەڤانییێ کیپلەر پیپی و خوسێ فونتی، و یاریکەرێ ھێلا ناڤین جواو موتینیو، ھەروەسا یاریکەرێ گەنجێ یانەیا بێنفیکا جواو فێلیکس ئەوێ بوویە جھێ گرنگی پێدانا یانەیێن مەزنێن ئورۆپا ھاتییە گازیکرن، دبەرامبەر دا ھەر ئێک ژ جواو ماریۆ، ریکاردو کوارێسما، لویس نانی و ئەندرێ سێلڤا ھاتنە دوورخستن.

بابه‌تێن ب ڤێ مژارێ ڤه‌ گرێدای