رۆسیا 32 زارۆكێن داعشییان ژ ئیراقێ وه‌رگرتن

رۆسیا 32 زارۆكێن داعشییان ژ ئیراقێ وه‌رگرتن

WAAR-دهۆك:

حكوومه‌تا رۆسیا ئاشكرا كر، ئه‌ڤرۆ وێ سیهـ و دو زارۆكێن دی یێن داعشیێن رۆسی ل ئیراقێ ڤه‌گۆهاستنه‌ رووسیا.
حكوومه‌تا رۆسیا راگه‌هاند، سیهـ و دو زارۆكێن دی كو ژ دایكوبایێن داعشیێن رۆسی نه‌ و ل ناڤه‌ندێن ڤه‌حه‌واندنێ ل ئیراقێ بوون، ئه‌ڤرۆ برێیا فرۆكێ ژ به‌غدا بۆ رۆسیا هاتن ڤه‌گۆهاستن.
تێله‌ڤزیۆنا رۆسی دیمه‌نێ گه‌هشتنا وان زارۆكان بۆ فرۆكخانه‌یا ژۆكۆڤسكی ل مۆسكۆ نیشان دا و دیار كر، دێ پشكنینێن پزیشكی یێن به‌رفرهـ بۆ نه‌هـ ژ وان زارۆكان هێنه‌ كرنه‌ و پاشی نیاسێن وان دشێن ببنه‌ مالێن خوه.
وه‌زاره‌تا ده‌رڤه‌ یا رۆسیا دیار كر، تا نها سه‌د و بیست و دو زارۆكێن داعشییان بۆ رۆسیا هاتینه‌ ڤه‌گۆهاستن و به‌ری نها سه‌رۆكێ رۆسیا راگه‌هاند بوو.
چار هزار وه‌لاتیێن رۆسیا گه‌هشتبوونه‌ رێزێن داعشێ ل ئیراق و سووریێ.

بابه‌تێن ب ڤێ مژارێ ڤه‌ گرێدای