رۆسیا په‌سنا رێككه‌فتنا هه‌سه‌دێ و دیمه‌شقێ كر

رۆسیا په‌سنا رێككه‌فتنا هه‌سه‌دێ و دیمه‌شقێ كر

WAAR-دهۆك:

رۆسیت په‌سنا رێككه‌فتنا دنابه‌را هێزێن سووریا دیمۆكرات و سوپایێ حكوومه‌تا سووریێ دا كر و دلگرانی ژ هێرشا توركیا ده‌ربری.
ماریا زاخارۆڤا، په‌یڤدارا وه‌زاره‌تا ده‌رڤه‌ یا رۆسیا گۆت: ب باوه‌ریا مۆسكۆ ئارامی و ئاساییشا سووریێ دێ ڤه‌گه‌ریت گه‌ر سه‌روه‌ریا ئاخا وێ هات ڤه‌گه‌راندن، له‌ورا پێدڤیه‌ هه‌می ده‌ڤه‌رێن سووریێ ژ وان ژی سنۆرێ سوورێ ل گه‌ل توركیا بكه‌ڤیته‌ بن كۆنترۆلا حكوومه‌تا سووریێ.
زاخارۆڤایێ گۆت ژی: د زی چارچووڤه‌ی دا رۆسیا پێشوازیێ ل رێككه‌فتنا د ناڤبه‌را كوردان و دیمه‌شقێ دا دكه‌ن.
هه‌روه‌ها خویا كر، ئه‌و دلگرانن ژ ئێمناهیا چه‌كدارێن داعش یێن زیندانكری ل رۆژهه‌لاتا فراتی ب تایبه‌ت ل كه‌مپا هۆلێ كو حه‌فتێ هزار كه‌س تێدا دژین، ئه‌و نه‌بتنێ گه‌فه‌ بۆ سووریێ به‌لكو بۆوه‌لاتێن دی یێن جیهانێ ژی گه‌فن، له‌ورا مۆسكۆ ژ هه‌می ئالیان دخوازیت ل سه‌رخوه‌ بن و رێ ل ئالۆزیێن پتر بگرن.
ژ ئالیه‌كێ دی ڤه‌، دمێتری پێسكۆڤ، په‌یڤدارێ سه‌رۆكاتیا رۆسیا گۆت: پۆتین دلگرانه‌ ژ ده‌رئه‌نجامێن مرۆڤی یێن هێرشا توركیا، هه‌لوه‌ستێ رۆسیا نه‌هاتیه‌ گوهرین و دوپات دكه‌ت كو تێكچوونا ره‌وشا باكۆرێ رۆژهه‌لاتێ سووریێ ژبه‌ر هێرشا توركیا یه‌ و ئه‌و یه‌ك دێ د ئه‌جێندایا كۆمبوونا پۆتین و ئه‌ردۆغان بیت ل سێشمه‌مبیا بهێت له‌ سۆچی.

بابه‌تێن ب ڤێ مژارێ ڤه‌ گرێدای