WAAR-دهۆك:
هاڤێتنا مۆشه‌كا سۆیوز یا رۆسی به‌ر ب ئاسمانی ڤه شكه‌ستن ئینا و مۆسكۆ بۆ زانینا ئه‌گه‌ران ئه‌ڤرۆ لێكۆلینه‌كا به‌رفره‌هـ د روودانێ دا ده‌ست پێ كر.
حكومه‌تا رۆسیا راگه‌هاند، وێ لێكۆلین د شكه‌ستنا بزاڤا هاڤێتنا مۆشه‌كا ئاسمانی یا سۆیوز دا، ده‌ست پێ كر، ئه‌و ب رژدی ل مژارێ دنێرن، ژبه‌ركو ئێكه‌م جاره د دیرۆكا پشتی سۆڤییه‌تیێ دا، شكه‌ستنه‌كا ب وی ئاوایی دهێت تۆماركرن.
دوهی فه‌له‌كناسه‌كێ ئه‌مریكی و ئیكێ رۆسی، نه‌چاربوون ب ره‌نگه‌كێ نه‌ئاسایی خوه ژ مۆشه‌كا ئاسمانی یا سۆیوز به‌رده‌نه‌ڤه، پشتی هاڤێتنا مۆشه‌كێ د ده‌مێ 2 خۆله‌كان دا ل كازاخستانێ شكه‌ستن ئینای.
هه‌ردو فه‌له‌كناسان ب سلامه‌تی ل كازاخستانێ دادا، لێ شكه‌ستنا وێ گاڤێ گورزه‌كه ب پێشكه‌فتنا ته‌كنه‌لۆژیا ئاسمانی یا رۆسیا دكه‌ڤیت كو ل ڤێ داویێ تۆشی چه‌ندین ئارێشه‌یان بوویه.
