دەمیرتاش: پێدڤییە ھەدەپە داخوازییا دایکێن مانگرتی بگەھینیتە پەکەکێ

دەمیرتاش: پێدڤییە ھەدەپە داخوازییا دایکێن مانگرتی بگەھینیتە پەکەکێ

WAAR-دهۆك:

ھەڤسەرۆکێ بەرێ یێ پارتییا دیمۆکراتیک یا گەلان راگەھاند: پێدڤییە ئەو دایکێن ل ھەمبەر بارەگایێ ھەدەپێ داخوازا زارۆیێن خوە دکەن، داخوازییا وان بۆ پەکەکێ بھێتە ئاراستە کرن.
سەلاحەدین دەمیرتاشی ژ زیندانا ئەدرنە پەیامەکا تایبەت لدۆر مانگرتنا دایکان ل ھەمبەر بارەگایێ ھەدەپێ ل ئامەدێ بەلاڤکر و راگەھاند: پێدڤییە رێز ل داخوازییا وان بھێتە گرتن و بۆ جێبجێکرنا داخوازییان وان پێدڤییە ھەلوەست بھێتە نیشان دا.
ھەڤسەرۆکێ بەرێ یێ ھەدەپێ زێدەتر دیارکر: دەستھەلاتا تورکیا ب مەرەما نەشرینکرن و تاوانبارکرنا ھەدەپێ پشتەڤانیێ ل وێ چالاکیێ دکەت، لێ داخوازییا دایکان یا رەوایە و ئەگەر سیاسەت نەشێت وان جۆرە پرسان چارەبکەت وی دەمی سیاسەت خاپاندنە.
دەمیرتاشی زێدەتر ژی ئاشکەرا کر:ژمارەکا دایکێن سەرباز و پۆلیسان د ناڤا وان دا ھەنە کو کۆرێن وان د دەست پەکەکێ دانە و ھەموو ئالی وەک رێیەکا چارەسەریێ تەماشەیی ھەدەپێ دکەن ئەڤجا پێدڤییە بەرسڤ بۆ وان دەیکان بھێتە دان و بلەز داخوازییا وان بگەھیننە پەکەکێ و پێدڤییە ل پەرلەمانی و دەرڤەی پەرلەمانی ژی لژنەیەکا تایبەت بھێتە پێکئینان و بناغەیا پرۆسەیا ئاشتی و دیمۆکراسیێ دامەزرینن.

بابه‌تێن ب ڤێ مژارێ ڤه‌ گرێدای