دێرسم.. 3 گەریلایێن پەکەکێ ھاتن ھنگاڤتن

دێرسم.. 3 گەریلایێن پەکەکێ ھاتن ھنگاڤتن

WAAR-دهۆك:

ھێزێن ئێمناھییا تورکیا ئۆپەراسیۆنەک دژی گەریلایێن پارتییا کارکەرێن کوردستانێ پەکەکێ ل گوندەوارێ پارێزگەھا دێرسمێ ل باکۆرێ کوردستانێ کر و 3 گەریلا ژیانا خوە ژ دەست دا.
وەزارەتا ناڤخوەیا تورکیا د بەیانەکێ دا راگەھاند؛ فەرماندارییا ھێزێن جەندرمان ل پارێزگەھا دێرسمێ ئۆپەراسیۆنەک دژی گەریلایێن پەکەکێ ل گوندەوارێ دەڤەردارییا قسلێ کر.
ئاشکرا ژی کر، د وێ ئۆپەراسیۆنێ دا 3 گەریلایێن پەکەکێ ژیانا خوە ژ دەست دا و ئۆپەراسیۆن ل وێ دەڤەرێ بەردەوامن.
وەزارەتا ناڤخوەیا تورکیا ئاماژە ب زیانێن ھێزێن خوە نەکر، پەکەکێ ژی ژیان ژ دەستدانا گەریلایێن خوە پشتراست نەکرییە و چو داخویانی ل سەر وی نووچەی نەداینە.

بابه‌تێن ب ڤێ مژارێ ڤه‌ گرێدای