دھۆک ھەڤرکییا بدەستڤەئینانا خەلاتێ ئاشتیێ یێ جیھانی دکەت

دھۆک ھەڤرکییا بدەستڤەئینانا خەلاتێ ئاشتیێ یێ جیھانی دکەت

WAAR-دهۆك:

باژارێ دھۆکێ ھەڤرکیێ ل سەر ب دەستڤەئینانا خەلاتێ باژارێ ئاشتیێ ل سەر ئاستێ جیھانێ دکەت.
باژارێ دھۆکێ ژ ئالیێ رێکسختنا باژێرڤانییێن حکومی یا ھۆلەندی ھاتییە ھەلبژارتن ل گەل زێدەتری سیھـ و پێنج باژارێن دی ل سەر ئاستێ جیھانێ، بۆ وێ یه‌كێ خەلاتێ باژارێ ئاشتیێ پێ بھێتە بەخشین و نھا ل گەل پێنج باشترین باژارێن جیھانێ ھەڤرکییا ب دەستڤەئینانا وی خەلاتی دکەت کو سالانە ژ ئالیێ کۆنگرەیێ رابیتەیا ئاڤاکرنا شیانێن حکومەتێن ناڤخوە یا ھۆلەندى ڤه‌ دھێت رێکخستن.
شاندەکا پارێزگەھا دھۆکێ ژی کو ژ ئسماعیل محەمەد، ھاریکارێ پارێزگەرێ دھۆکێ بۆ کاروبارێن ئاوارە و پەنابەران و ئدریس نەبی، رێڤەبەرێ بۆردێ کاروبارێن مرۆڤاتی د کۆنگرەیێ رابیتەیا ناڤھاتی دا ل دۆر بەرنامەیێ دەستپێشخەریا ئاشتیێ ل ژێرییا ئەفریقیا پشکدارە.
دھۆک ب باژارێ پێکڤەژیانێ دھێتە نیاسین و شیایە ل سالێن بووری ب سەدان ھزاران ئاوارە و پەنابەران ژ ھەموو ئۆل و نەتەوەییان ل سنۆرێ پارێزگەھێ بنەجھـ بکەت و بپارێزیت و خزمەتا وان بێی جوداھی بکەت.

بابه‌تێن ب ڤێ مژارێ ڤه‌ گرێدای