ده‌رس ئاشكرانه‌… دژمنكارییا كوردستانێ نه‌كه‌ن

كیفاح مه‌حموود كه‌ریم :

ئێك ژ ئاشكراترین راستیێن دیرۆكا ده‌وله‌تا ئیراقێ، ب بۆرینا هه‌موو قۆناغێن ده‌ستهه‌لاتدارییا رژێمان، ئه‌وه‌ كو هه‌ر كه‌سه‌كێ دژمنكارییا كوردستانێ و ملله‌تێ وێ و بزاڤا رزگاریخوازییا وێ كربیت، چی زوو یان دره‌نگ ئه‌و د وی شه‌ریدا شكه‌ستییه‌، ئه‌ڤجا ئه‌و شكه‌ستن ب رێیا هه‌رڤتنا رژێمێ هه‌موویێ بیت، هه‌ر وه‌كو هه‌موو ئه‌وێن ده‌ستهه‌لاتداری ل ئیراقێ گرتییه‌ ده‌ست، یان ژی ئه‌وێن ب رێیێن كۆده‌تایێن له‌شكری یان ب رێیا دادگه‌هێ بیت وه‌ك ل ڤێ دوماهیێ بسه‌رێ سه‌رۆكێ به‌رێ یێ ئیراقێ سه‌ددام حسێنی و زه‌لامێن ده‌ستهه‌لاتا وی هاتی، ئه‌و گه‌هشته‌ دوماهییه‌كا ب شه‌رم و جهێ حێبه‌تیێ. نه‌ جهێ حێبه‌تیێیه‌ كو شێخێ به‌رێز دكتۆر ئه‌حمه‌د كوبه‌یسی ڤێ راستیێ ڤه‌گێریت و بێژیت: هه‌موویان دژمنكارییا بارزانی و بزاڤا رزگاریخوازییا وی و ملله‌تێ وی كرییه‌، لێ هه‌موو چوون و كوردستان و ملله‌تێ وى مان و سه‌ركه‌ڤتن، و ئه‌وێن دیتر ژی هه‌موو تشته‌ك ژده‌ستدا!.
سه‌رباری هندێ كو ئه‌و ئاشكرا و پێشچاڤن و ئێك لدووڤ ئێكێ هاتینه‌، لێ تشتێ جهێ حێبه‌تیێ ئه‌وه‌ كو هێشتا هنده‌ك ل ئیراقێ هه‌نه‌، مفا ژ ڤان وانه‌یان وه‌رنه‌گرییه‌، ئه‌و وه‌سا هزر دكه‌ن كو هه‌وێن وان یێن راگه‌هاندنا بێسه‌روبه‌را ب دره‌و و زێده‌كرن، دێ برین و گرێكێن وان یێن ئێك لسه‌ر ئێكێ ل همبه‌ری كوردان تیمار كه‌ت، كوردان ب سیاسه‌تا خوه‌ سه‌ركه‌ڤتنێن جڤاكی، سیاسی و ئابۆری بۆ هه‌رێما خوه‌ بده‌ستڤه‌ ئیناینه‌، ئه‌و ژبیرا خوه‌ دبه‌ن كو دژوارترین چه‌كێ ژناڤبرنێ و پیسترین رێیێن ژێكدابرینا ده‌روونی و ره‌وشتی بۆ جڤاكان لژێر پێیێن مێرییه‌كێ ب تنێ ژی بۆ وان بجهـ نابیت، دێ بینی ئه‌و ئه‌ڤرۆ ب رێیا رێكلامێن دراڤ بۆ هاتییه‌دان لسه‌ر شاشه‌یێن تی ڤییان، ئه‌و كه‌سێن دز كو هزار ملیار دۆلار كێمتر ژ ده‌هـ سالان دزینه‌، زێده‌باری هندێ كو وان سێكا ئه‌ردێ ئیراقێ ل پارێزگه‌هێن دێرینێن ئیراقێ دایه‌ ده‌ستێن رێگر و تیرۆریستان، وان وه‌سا هزردكر كو ب ڤی كاری دێ شێن ب ئێك گورز سێ ئارمانجان پێكن، كورد و سوننه‌ و شیعه‌!.
ب به‌رێخوه‌دانه‌كا بله‌ز د ناڤ ده‌زگه‌هێن راگه‌هاندنا نووری مالكی، و ئاخڤتنێن بانگخوازێن ویدا، دێ مرۆڤ راستییا هندێ زانیت كو هێشتا هنده‌ك ژبه‌ر گرێكه‌كێ دنالن، دبێژنێ (كوردستان)، دبیت ژبه‌ر كێمدیتنا وان ل رێره‌وا روودانێن پشتی چێبوونا كیانێ ده‌وله‌تا ئیراقێ، ئه‌و د نه‌هۆشییه‌كێدانه‌ لدۆر نیاسینا خوه‌جهێن ڤی وه‌لاتی، تاكو دیارنه‌مانا نووری مالكی، یان ئه‌و چاڤلێكرنێ ژبه‌ر نه‌بوونا هۆشیارییا خوه‌ دكه‌ن، یان ئه‌و ب هه‌واركی وه‌دكه‌ن كو سه‌رده‌می خواتر ژ ڤى ره‌نگێ سه‌ره‌ده‌ریێ خواستییه‌، دبیت هنده‌ك كۆم و كه‌سێن گێره‌شێوین یێن كو د ئامیره‌یێ راگه‌هاندنا نووری مالكیدا كاردكه‌ن و لسه‌ر وه‌ریسێن تائیفه‌گه‌ریێ و شه‌ر و وێرانكاریێ دله‌یزن، داكو بشێن پێ مه‌زنترین كریارا دزینا دراڤێ گشتی و وێرانكرنا وه‌لاتی ڤه‌شێرن، ئه‌و رابووینه‌ ب ئینانا هه‌موو رێگرێن دونیایێ، داكو دێرینترین باژێرێن ئیراقێ وه‌ك مووسل، ئه‌نبار، شنگال، تكریتێ داگیر بكه‌ن پێخه‌مه‌ت هه‌تكاندنا ئه‌ردی و نامووسێ، چو ئه‌گه‌ر بۆ ڤێ یه‌كێ نینن، ژبلی هندێ كو ب تنێ ئه‌قله‌كێ نه‌خۆش و هشك و تژی پێكهاتێن وێرانكاری و شكه‌ستنان ڤی كاری دكه‌ت، نینن، هه‌ر وه‌كو ئه‌و د ژوورێن تاریێن ده‌ستهه‌لاتداری و كۆمبوونێن خوه‌دا باس ل ئاقلكرنا سوننه‌یان، و چاندنا خه‌ینجه‌رێ د پشتا كوردستانێدا باس دكه‌ن.
ئه‌و یێ وێ پیشه‌سازیێ كۆپی دكه‌ن، ئه‌وا رژێما به‌عس پێ ناڤداربوویی و بجهـ دكر، لێ مه‌ هه‌موویان دیت كانێ چاره‌نڤیسێ وێ بۆ چی و چاوا بدوماهی هات، ئه‌و جاره‌كا دیتر یێ به‌لیكێن خائینێن نڤشێ خوه‌ یێن سه‌ربه‌ردایی ب سه‌روچاڤ و ناڤێن نووكری دئیننه‌ بیرا مرۆڤی، ده‌زگه‌هێن راگه‌هاندنێ په‌یڤه‌كا كونجای دبێژن (سوننه‌یێن مالی، یان هه‌ر وه‌كو دبێژن ئه‌وێن لسه‌ر كوردان دهێته‌ هه‌ژمارتن ب ناسنامه‌یێ) ئه‌و ده‌زگه‌هێن راگه‌هاندنا وی و وێنه‌یێ كرێتن كو دهێنه‌ پالدان بۆ مه‌یدانا یاریپێكرنێن راگه‌هاندنێ لسه‌ر ده‌پێ شانوویه‌كا نه‌كاریگه‌ر ب هزركرن و ره‌وشت و مه‌ژیهشكییا سیاسه‌تا كو ژلایێ ڤان كه‌سانڤه‌ دهێته‌ بجهكرن، ئه‌وێن كو ب نه‌هۆشی ژ سه‌رده‌مه‌كێ نه‌باش و د ژینگه‌هه‌كا هزری و نه‌پێگه‌هشتییا سیاسی و ده‌ستهه‌لاتدارییا پێگه‌هشتی هاتین، هه‌ر وه‌كو شێخه‌كێ شه‌مه‌ڕى د ده‌رهه‌قێ كورداندا لدۆر داخوازییا مافێن وان دبێژیت كو ئه‌و دژمنكارییا ملله‌ته‌كی دكه‌ن كو هێشتا یێ گه‌رمه‌ و سارنه‌بوویه‌، ئه‌و كاری لسه‌ر وێ یه‌كێ دكه‌ن، داكو پێكهاته‌یێ ملله‌ته‌كی یێ جڤاكی وێران بكه‌ن و دوبه‌ركیێ د ناڤبه‌را واندا بچینن، و بزاڤكرن بۆ پشتگۆهـ ئێخستنا پێكهاته‌یێن وی، هه‌ر وه‌كو ب بۆرینا سه‌د سالان ژ دامه‌زراندنا ده‌وله‌تا ئیراقێ یێن به‌ری وان ئه‌و یه‌ك كری، ئه‌وا وان د ده‌هـ سالێن ده‌ستهه‌لاتدارییا خوه‌ یا نه‌سه‌ركه‌ڤتیدا كری، ل همبه‌ری وێ ژی، ئه‌وا ملله‌تێ كوردستانێ ب هه‌مان وه‌خت ئه‌نجامدایی، ئه‌ڤ گۆته‌ لسه‌ر دهێت، جوداهییه‌كا مه‌زن د ناڤبه‌را زه‌نگینی و جوانكرنێدا هه‌یه‌.

ژێده‌ر: ئیلاف

بابه‌تێن ب ڤێ مژارێ ڤه‌ گرێدای