خوەنیشاندان دناڤبەرا چارەسەری و وێرانکرنا وەلاتی دا

خوەنیشاندان دناڤبەرا چارەسەری و وێرانکرنا وەلاتی دا

رەمەزان کامل

خوەنیشاندان وەکو مافەکێ ئاسای د سیستەمێ دیموکراسى دا کو ل هەمى وەلاتان دهێنه ئەنجام دان، لێ د هەمان دەم دا دەلیڤە و نێچیرەکا گەلەک باشه ژبۆ دەستێوەردانا وەلاتێن دوژمن و شانەیێن جاسوسی کو ئاراستەیێ خوپێشاندەران ژ داخازکرنا مافان بگوهەرن بۆ ئاراستەیەکێ سیاسی و وێرانکەر و  بەرژەوەندییان. سەرهلدانا خوەنیشاندانان ل باژێرێن عیراقێ ب گشتی و هەرێما کوردستانێ بتایبەتى د ڤێ قوناغێ دا گەلەک مەترسیداره و ژبلى وێرانکرنێ هیچ ئەنجامەکێ باش ب دەستڤە ناهێت چنکو دەستێوەردان و کاریگەرییا راستەوخوە یا دەستهەلاتا ئیرانێ و گەفێن شەرێ ناڤخوەیێ و تێکدان و دوبارە قەیرانێن ئابوری و سیاسی بخوڤه گریت، ب تایبەتى ئاوارەبوون و رەڤینا هاولاتیێن وان دەڤەران کو بەرەڤ هەرێما کوردستانێ بهێن، ئەڤ چەندەژی دیسان بارگرانی و مەترسییە لسەر پەیدابوونا قەیرانێن ئابووریێن دژوار تر و تێکدانا ئاسایشا ناڤخوەى و نەتەوەى. هاندانا هاولاتیێن هەرێمێ ژبۆ ئانجامدانا خوەنیشاندانان ژلایێ پارتێن سیاسیێن کوردی و کەسێن هەڤدژی دەستهەلاتێ بتنێ خزمەته بۆ پلانێن دوژمنی و مەترسییه ل سەر ئارامیا کوردستانێ و بەرژەوندیێن کەسوکی و دەرەکى. هەلبەت پێدڤیه لسەر دەستهەلاتا هەرێمێ د ڤان قوناغێن هەستیار دا کو هەولبدت زیترین دەم مافێن سەرەتایی دابین کن و هزر ل خوشگوزەرانییا هاولاتیان دا بهێت کرن ژبەری کو بگەهیته رادەیێ ئەنجامدانا خوەنیشاندانان و ئەنجامێن خراب بدەست ڤە بینت، سەرەرای کو هەبوونا قەیران و شەر و کاودانێن نەچاڤەرێکری یێن کو چەندین ساله ب سەر هەرێمێ دا هاتین هاولاتی گەلەک بێزاربوویه و بێئومێدیەک ل دەڤ پەیدابوویه کو پەنایێ ببنه بەر رێکێن نەئاشتی. هەروەسا لسەر هاولاتێ ژی پێدڤیه کو ئارامی و ئاسایشا ناڤخوەى و بەرژەوەندیا گشتی یا هەرێمێ بەرچاڤ وەرگرت و هاریکار و پشتەڤان بت و رێگریێ ل دەستێوەردان و پلانێت دوژمنی بت کو ب رێکا خوەنیشاندانێ گەلەک وەلات هاتینه وێرانکرن و بوویه نێچیرەک بۆ دوژمنی، بتایبەتى کو جۆگرافیا هەرێما کوردستانێ دکەڤیته دناڤبەرا وەلاتێن کو شەر و تێرۆر و دوژمناتییا ڤی مللەتی تێدا هەی کو ب ئاسانی نە ئارامییێ و ئاریشەیێن مەزنتر پەیدا کن .

بابه‌تێن ب ڤێ مژارێ ڤه‌ گرێدای