خوەنیشاندانێن ئیرانێ دەربازی رۆژا خوە یا چارێ بوون

خوەنیشاندانێن ئیرانێ دەربازی رۆژا خوە یا چارێ بوون

WAAR-دهۆك:

خوەنیشاندانێن ئیرانێ ئەڤرۆ دەربازی رۆژا خوە یا چارێ بوون و شڤێدی ل چەندین باژاران شەروئالۆزی د ناڤبەرا خەلکی و ھێزێن ئەمنی دا چێبوون.
ل گورەی ئاژانسا مێھر یا ئیرانێ، د سێ رۆژێن بوری دا زێدەتر ژ 87400 کەس ل سەرانسەری ئیرانێ پشداری خوەنیشاندانان بووینە و وەھا دیار کر کو خوەنیشادانێن ڤێ گەرێ توندترن ژ خوەنیشاندانێن سالا 2017ێ.
ل گورەی میدیایێن ئیرانی یێن فەرمی، د سێ رۆژێن بوری یێن خوەنیشاندانان دا 31 کەس ھاتینە کوشتن و زێدەتر ژ ھزار کەسان ژی ژ ئالیێ ھێزێن ئەمنی ڤە ھاتینە گرتن.
شڤێدی ل تەھرانێ شەرۆئالۆزی ھاتنە دیتن و خەلکی رێکێن سەرەکی ب ھەلکرنا ئاگرێن مەزن گرتن و ھێزێن ئەمنی ژی بزاڤ کرن بەلاڤ بکەن.
ئەڤرۆ ژی خوەنیشاندان دەربازی رۆژا چارێ بوون و خەلک دەردکەڤیتە سەر جادەیان و بریارە ئەڤرۆ ھژمارا ھەرە زێدە یا خەلکی تێدا پشکدار ببن.

بابه‌تێن ب ڤێ مژارێ ڤه‌ گرێدای