خوه‌نیشاندان گه‌هشتن رۆژهه‌لاتێ كوردستانێ

WAAR-دهۆك:

خوه‌نیشاندانێن دژی ده‌ستهه‌لاتا ئیرانێ ئه‌ڤرۆ ل چه‌ندین باژارێن وی وه‌لاتی هاتن كرن و گه‌هشتنه‌ رۆژهه‌لاتێ كوردستانێ ژی و قوربانی هه‌نه‌.
ل گۆره‌ی ژێده‌رێ كوردی ل رۆژهه‌لاتێ كوردستانێ خوه‌نیشاندان ل باژارێ مه‌ریوان و سنه‌ و كرماشان هاتینه‌ كرن و دو خوه‌نیشانده‌ران ل مه‌ریوانێ ژیانا خوه‌ ژده‌ست دایه‌ پشتی هێزێن ئێمناهیا ئیرانێ ته‌قه‌ لێ كری لێ ئالیێن فه‌رمی یێن ئیرانێ هه‌ژمارا قوربانیا پشتراست نه‌كریه‌.
ئه‌ڤه و ژ ئالیێ خوه‌ ڤه‌ ناڤه‌ندا هه‌ڤكاریا پارتیێن سیاسی یێن كوردستانا ئیرانێ كو 5 پارتیان ب خوه‌ ڤه‌ دگریت، ئه‌ڤرۆ د به‌یانه‌كێ دا پشته‌ڤانیا خوه‌ بۆ خوه‌نیشاندانێن ل ئیرانێ و رۆژهه‌لاتێ كوردستانێ دهێنه‌ كرن ده‌ربری.