خوه‌نیشاندانێن لوبنانێ بۆ رۆژا سێیێ به‌رده‌وامن

خوه‌نیشاندانێن لوبنانێ بۆ رۆژا سێیێ به‌رده‌وامن

WAAR-دهۆك:

خوه‌نیشاندانێن لوبنانێ بۆ رۆژا سێیێ به‌رده‌وامن و ئه‌میندارێ گشتی یێ حزبوللایێ ژی داخوازییا هه‌لوه‌شاندنا حكومه‌تێ ره‌ت كر.
هزاران وه‌لاتییێن لوبنانی بۆ رۆژا سێیێ رژیانه‌ جاده‌یێن به‌یرۆتا پایته‌خت و باژارێن دی یێن لوبنانێ و ب درووشمێن ل دژی حكومه‌تا سه‌عد حه‌ریری خوه‌نیشاندان كرن و خواستن حكومه‌تا وی بهێته‌ هه‌لوه‌شاندن، هێزێن ئێمناهییێ بۆ رێگریكرن ل چێبوونا ئالۆزییان رێكارێن ئه‌منی یێن دژوار گرتنه‌ به‌ر.
حه‌سه‌ن نه‌سروللا، ئه‌میندارێ گشتی یێ حزبوللایێ د گۆتارا خوه‌ دا راگه‌هاند: حكوومه‌تا نها ژ قه‌یرانا دارایی یا لوبنانێ به‌رپرسه‌ و حزبوللا ل گه‌ل داخوازییێن خوه‌نیشانده‌ران یێن ل دۆر هه‌لوه‌شاندنا حكوومه‌تێ نینه‌، به‌لكو دخوازیت چاكسازی بهێنه‌ كرن.
سوپایێ لوبنانێ ژی به‌یانه‌ك ده‌رباره‌ی خوه‌نیشاندانان به‌لاڤ كر و تێدا پشته‌ڤانییا خوه‌ بۆ داخوازییێن خوه‌نیشانده‌ران راگه‌هاند، ژ وان خواست خوه‌نیشاندانان ب ئاوایه‌كێ ئاشتییانه‌ بكه‌ن.

بابه‌تێن ب ڤێ مژارێ ڤه‌ گرێدای