خامنەیی: سعوودی و ئیمارات بزاڤێن پارچەکرنا یەمەنێ دکەن

خامنەیی: سعوودی و ئیمارات بزاڤێن پارچەکرنا یەمەنێ دکەن

WAAR-دھۆك:

رێبەرێ بلندێ شورەشا ئیسلامییا ئیرانێ راگەھاند؛ ئەرەبستانا سعوودیێ و ئیمارات بزاڤێن پارچەکرنا یەمەنێ دکەن و پێدڤی یە رێ ل وان بزاڤان بھێتە گرتن.
ل گۆرەی بەیانەکا ئۆفیسا عەلی خامنەیی، رێبەرێ شورەشا ئیسلامییا ئیرانێ، شڤێدی خامنەیێ ل تەھرانا پایتەخت دگەل شاندەکا حۆسییان ب سەرۆکاتییا محەمەد عەبدولسەلام پەیڤدارێ وان کۆمبوو.
خامنەیی ئەرەبستانا سعوودیێ و ئیمارات ب وێ یەکێ سووچبار کرن کو بزاڤێن پارچەکرنا یەمەنێ دکەن ئاماژە کر: دڤێت رێ ل وان بزاڤان بھێتە گرتن و ئێکپارچەیا ئاخا یەمەنێ بھێت پاراستن و گۆتۆبێژ د ناڤبەرا ئالییان دا دەستپێبکەن.
ژێدەری دیار کر: کو خامنەیی سۆزا بەردەوام پشتەڤانیکرنا حۆسییان دا و ژ ئالییێ خوەڤە شاندا حۆسی دەربارەی پشتەڤانیکرنا وان سوپاسییا کۆمارا ئیسلامییا ئیرانێ کر.

بابه‌تێن ب ڤێ مژارێ ڤه‌ گرێدای