حەسەکە.. ھەسەدێ سەرکردەیەکێ داعشێ یێ ئیراقی کوشت

حەسەکە.. ھەسەدێ سەرکردەیەکێ داعشێ یێ ئیراقی کوشت

WAAR-دهۆك:

ھێزێن سووریا دیمۆکرات ھەسەدێ راگەھاند؛ شەرڤانێن وان ئۆپەراسیۆنەک ل گوندەوارێن رۆژئاڤایێ حەسەکێ کر و سەرکردەیەکێ مەزن یێ رێکخستنا تیرۆرستییا داعشێ کوشت.
ناڤەندا راگەھاندنا ھەسەدێ د بەیانەکێ دا راگەھاند؛ یەکینەیێن دژەتیرۆرێ سەر ب ھەسەدێ ڤە، ئۆپەراسیۆنەک ل باکۆرێ باژارێ شەدادی ل گوندەوارێ حەسەکێ کر و تیرۆرستەک ب ناڤێ ئەبو حارس ئەلعیراقی، سەرکردێ ئەمنی و سەربازی یێ داعشێ د تونێلەکێ دا کوشت.
ھەسەدێ ئاشکرا ژی کر، ئەبو حارس ئیراقی، بەرپرسێ ئەمنی یێ سنۆرێن ئیراقێ و سووریێ بوو د ناڤا رێکخستنا تیرۆرستییا داعشێ دا، ھەروەسا والیێ دیالا بوو و بەرپرسێ ھەوێن کوشتنێ بوو ل باشۆرێ پارێزگەھا نەینەوا.
ھێزێن سووریا دیمۆکرات ھەسەدە ب ھەماھەنگییا ھەڤپەیمانییا ناڤدەولەتی یا دژی داعشێ، ھەوەکا لێگەریانێ بۆ شانێن ڤەشارتی یێن داعشێ دەستپێکرییە و تا نھا ب دەھان تیرۆرستێن وێ رێکخستنێ کوشتینە و دەستەسەرکرینە.

بابه‌تێن ب ڤێ مژارێ ڤه‌ گرێدای