حه‌یده‌ر عه‌بادی: ئاوایێ هه‌لبژارتنا مالیكی نه‌یاسای بوو

حه‌یده‌ر عه‌بادی: ئاوایێ هه‌لبژارتنا مالیكی نه‌یاسای بوو

WAAR-دهۆك:

سه‌رۆكوه‌زیرێن پێشتر یێ ئیراقێ و سه‌ركرده‌یێ پارتا ده‌عوه‌ راگه‌هاند؛ ئاوایێ هه‌لبژارتنا نوری مالیكی بۆ ئه‌میندارێ پارتا ده‌عوه‌ تا نها د دیرۆكا ئیراقێ دا روینه‌دایه‌ و هه‌روه‌ها ل به‌ر نینه‌ چ پارتێن نووی ب دامه‌زرینیت.
حه‌یده‌ر عه‌بادی، سه‌رۆكوه‌زیرێ به‌رێ یێ ئیراقێ و سه‌ركرده‌یێ پارتا ده‌عوه‌ یا ئیسلامی د داخویانییه‌كێ دا راگه‌هاند؛ ئاوایێ كۆنفرانسێ هه‌لبژارتنا نوری مالیكی وه‌ك ئه‌میندارێ گشتی یێ وێ پارتێ نه‌ یاسای بوو‌ وتا نها د دیرۆكا ئیراقێ روینه‌دایه‌ كو رێككه‌فتبوون بابه‌تێ هه‌لبژارتنان بهێت پاشخستن لێ هه‌لبژارتنا مالیكی ژ نشكێڤه‌ وه‌ك رێكه‌كا سیاسی بوویه‌ بۆ بده‌ستخستنا ئارمانجه‌كا دیاركری و نابیت حزب بۆ ب ده‌ستڤه‌ئینانا كه‌ساتیێن سیاسی بهێت بكارئینان
دیار ژی كر، وان كوتله‌یا نه‌سر ژ بۆ كیانه‌كێ نشتیمانی ئاڤاكربوو و سه‌ركه‌فتن د شكه‌ستنا تائیفیێ دا ئیناینه‌ و ل به‌ر نینه‌ پارته‌ما نووی ب دامه‌زرینیت.
گۆت ژی: پاش هه‌لبژارتنان ده‌ستخستیێن باش ل هێڤیا وی بوون لێ ده‌ستبه‌ردار بوون ژ پۆستێ سه‌رۆكوه‌زیران بۆ وی باشتر بوو ژ وێ یه‌كێ كو بكه‌ڤیته د‌ هه‌ڤدژییه‌كا ئه‌خلاقی دا.

بابه‌تێن ب ڤێ مژارێ ڤه‌ گرێدای