حه‌شدا شه‌عبی: دێ ئیراقێ ژ ئه‌مریكییان پاقژكه‌ین

حه‌شدا شه‌عبی: دێ ئیراقێ ژ ئه‌مریكییان پاقژكه‌ین

WAAR-دهۆك:

ئه‌میندارێ گشتی یێ ته‌ڤگه‌را نوجه‌با یا سه‌ر ب حه‌شدا شه‌عبی ڤه‌، گه‌ڤ ل هێزێن ئه‌مریكی ل ئیراقێ كرن و راگه‌هاند؛ دێ ئیراقێ ژ ئه‌مریكییان پاقژكه‌ین.
د به‌یانه‌كێ دا، ئه‌كره‌م كه‌عبی ئه‌میندارێ ته‌ڤگه‌را نوجه‌با گۆت: دێ تۆلا هه‌ر بیست و حه‌فت چه‌كدارێن خوه‌ ڤه‌كه‌ن كو به‌رییا چه‌ند رۆژان ل باشوورێ كه‌ركووكێ هاتبوونه‌ كوشتن و ل ده‌ستپێكێ ژی دێ ل سه‌رانسه‌ری ئیراقێ به‌رهه‌نگاری هێزێن ئه‌مریكی بن، ژبه‌ركو وان شه‌رعیه‌ت دایه‌ گرۆپێن تیرۆری چالاكییان ل ئیراقێ بكه‌ن و هاریكارییا پیشكێشی وان گرۆپان دكه‌ن.
گۆت ژی: ئه‌و ناهێلن ئێك سه‌ربازێ ئه‌مریكی ل ئیراقێ بمینیت و دێ ئیراقێ ژ ئه‌مریكییان پاقژكه‌ن و رێ ل فتنه‌ و شانه‌یێن نڤستی یێن تیرۆرێ گرن.
گرۆپێ نوجه‌با سه‌ر ب حه‌شدا شه‌عبی ڤه‌یه‌ و به‌رییا نها ئه‌مریكا ئه‌و گرۆپه‌ كرییه‌ د ناڤا لیستا تیرۆرێ دا و ب وێ یه‌كێ سووچبار كرییه‌ كو گرۆپه‌كێ تیرۆرییه‌ و فه‌رمانان ژ ئیرانێ وه‌ردگریت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.